헬라어 문장 검색 - ΗεροδόΤηεΗιστ́2́148́

(헤로도토스, The Histories, book 2, chapter 142)

ἐσ μὲν τοσόνδε τοῦ λόγου Αἰγύπτιοί τε καὶ οἱ ἱρέεσ ἔλεγον, ἀποδεικνύντεσ ἀπὸ τοῦ πρώτου βασιλέοσ ἐσ τοῦ Ἡφαίστου τὸν ἱρέα τοῦτον τὸν τελευταῖον βασιλεύσαντα μίαν τε καὶ τεσσεράκοντα καὶ τριηκοσίασ γενεὰσ ἀνθρώπων γενομένασ, καὶ ἐν ταύτῃσι ἀρχιερέασ καὶ βασιλέασ ἑκατέρουσ τοσούτουσ γενομένουσ. καίτοι τριηκόσιαι μὲν ἀνδρῶν γενεαὶ δυνέαται μύρια ἔτεα·

γενεαὶ γὰρ τρεῖσ ἀνδρῶν ἑκατὸν ἔτεα ἐστί· μιῆσ δὲ καὶ τεσσεράκοντα ἔτι τῶν ἐπιλοίπων γενεέων, αἳ ἐπῆσαν τῇσι τριηκοσίῃσι, ἐστὶ τεσσεράκοντα καὶ τριηκόσια καὶ χίλια ἔτεα. οὕτω ἐν μυρίοισί τε ἔτεσι καὶ χιλίοισι καὶ τριηκοσίοισί τε καὶ τεσσεράκοντα ἔλεγον θεὸν ἀνθρωποειδέα οὐδένα γενέσθαι·

οὐ μέντοι οὐδὲ πρότερον οὐδὲ ὕστερον ἐν τοῖσι ὑπολοίποισι Αἰγύπτου βασιλεῦσι γενομένοισι ἔλεγον οὐδὲν τοιοῦτο. ἐν τοίνυν τούτῳ τῷ χρόνῳ τετράκισ ἔλεγον ἐξ ἠθέων τὸν ἥλιον ἀνατεῖλαι·

ἔνθα τε νῦν καταδύεται, ἐνθεῦτεν δὶσ ἐπαντεῖλαι, καὶ ἔνθεν νῦν ἀνατέλλει, ἐνθαῦτα δὶσ καταδῦναι. καὶ οὐδὲν τῶν κατ’ Αἴγυπτον ὑπὸ ταῦτα ἑτεροιωθῆναι, οὔτε τὰ ἐκ τῆσ γῆσ οὔτε τὰ ἐκ τοῦ ποταμοῦ σφι γινόμενα, οὔτε τὰ ἀμφὶ νούσουσ οὔτε τὰ κατὰ τοὺσ θανάτουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 142

(헤로도토스, The Histories, book 2, chapter 142)

상위

목록

SEARCH

MENU NAVIGATION