호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ ἰχθύεσ οἱ ἀγελαῖοι ἐν μὲν τοῖσι ποταμοῖσι οὐ μάλα γίνονται, τρεφόμενοι δὲ ἐν τῇσι λίμνῃσι τοιάδε ποιεῦσι. ἐπεάν σφεασ ἐσίῃ οἶστροσ κυί̈σκεσθαι, ἀγεληδὸν ἐκπλέουσι ἐσ θάλασσαν· ἡγέονται δὲ οἱ ἔρσενεσ ἀπορραίνοντεσ τοῦ θοροῦ, αἳ δὲ ἑπόμεναι ἀνακάπτουσι καὶ ἐξ αὐτοῦ κυί̈σκονται. ἐπεὰν δὲ πλήρεεσ γένωνται ἐν τῇ θαλάσσῃ, ἀναπλώουσι ὀπίσω ἐσ ἤθεα τὰ ἑωυτῶν ἕκαστοι, ἡγέονται μέντοι γε οὐκέτι οἱ αὐτοί, ἀλλὰ τῶν θηλέων γίνεται ἡ ἡγεμονία·
ἡγεύμεναι δὲ ἀγεληδὸν ποιεῦσι οἱο͂́ν περ ἐποίευν οἱ ἔρσενεσ· τῶν γὰρ ᾠῶν ἀπορραίνουσι κατ’ ὀλίγουσ τῶν κέγχρων, οἱ δὲ ἔρσενεσ καταπίνουσι ἑπόμενοι. εἰσὶ δὲ οἱ κέγχροι οὗτοι ἰχθύεσ. ἐκ δὲ τῶν περιγινομένων καὶ μὴ καταπινομένων κέγχρων οἱ τρεφόμενοι ἰχθύεσ γίνονται.
οἵ δ’ ἂν αὐτῶν ἁλῶσι ἐκπλώοντεσ ἐσ θάλασσαν, φαίνονται τετριμμένοι τὰ ἐπ’ ἀριστερὰ τῶν κεφαλέων, οἳ δ’ ἂν ὀπίσω ἀναπλώοντεσ, τὰ ἐπὶ δεξιὰ τετρίφαται. πάσχουσι δὲ ταῦτα διὰ τόδε·
ἐχόμενοι τῆσ γῆσ ἐπ’ ἀριστερὰ καταπλώουσι ἐσ θάλασσαν, καὶ ἀναπλώοντεσ ὀπίσω τῆσ αὐτῆσ ἀντέχονται, ἐγχριμπτόμενοι καὶ ψαύοντεσ ὡσ μάλιστα, ἵνα δὴ μὴ ἁμάρτοιεν τῆσ ὁδοῦ διὰ τὸν ῥόον. ἐπεὰν δὲ πληθύνεσθαι ἄρχηται ὁ Νεῖλοσ, τά τε κοῖλα τῆσ γῆσ καὶ τὰ τέλματα τὰ παρὰ τὸν ποταμὸν πρῶτα ἄρχεται πίμπλασθαι διηθέοντοσ τοῦ ὕδατοσ ἐκ τοῦ ποταμοῦ·
καὶ αὐτίκα τε πλέα γίνεται ταῦτα καὶ παραχρῆμα ἰχθύων σμικρῶν πίμπλαται πάντα. κόθεν δὲ οἰκὸσ αὐτοὺσ γίνεσθαι, ἐγώ μοι δοκέω κατανοέειν τοῦτο·
τοῦ προτέρου ἔτεοσ ἐπεὰν ἀπολίπῃ ὁ Νεῖλοσ, οἱ ἰχθύεσ ἐντεκόντεσ ᾠὰ ἐσ τὴν ἰλὺν ἅμα τῷ ἐσχάτῳ ὕδατι ἀπαλλάσσονται· ἐπεὰν δὲ περιελθόντοσ τοῦ χρόνου πάλιν ἐπέλθῃ τὸ ὕδωρ, ἐκ τῶν ᾠῶν τούτων παραυτίκα γίνονται οἱ ἰχθύεσ οὗτοι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기