Herodotus, The Histories, book 2, chapter 125

(헤로도토스, The Histories, book 2, chapter 125)

ἐποιήθη δὲ ὧδε αὕτη ἡ πυραμίσ· τοιαύτην τὸ πρῶτον ἐπείτε ἐποίησαν αὐτήν, ἠείρον τοὺσ ἐπιλοίπουσ λίθουσ μηχανῇσι ξύλων βραχέων πεποιημένῃσι, χαμᾶθεν μὲν ἐπὶ τὸν πρῶτον στοῖχον τῶν ἀναβαθμῶν ἀείροντεσ·

ὅκωσ δὲ ἀνίοι ὁ λίθοσ ἐπ’ αὐτόν, ἐσ ἑτέρην μηχανὴν ἐτίθετο ἑστεῶσαν ἐπὶ τοῦ πρώτου στοίχου, ἀπὸ τούτου δὲ ἐπὶ τὸν δεύτερον εἵλκετο στοῖχον ἐπ’ ἄλλησ μηχανῆσ·

ὅσοι γὰρ δὴ στοῖχοι ἦσαν τῶν ἀναβαθμῶν, τοσαῦται καὶ μηχαναὶ ἦσαν, εἴτε καὶ τὴν αὐτὴν μηχανὴν ἐοῦσαν μίαν τε καὶ εὐβάστακτον μετεφόρεον ἐπὶ στοῖχον ἕκαστον, ὅκωσ τὸν λίθον ἐξέλοιεν·

λελέχθω γὰρ ἡμῖν ἐπ’ ἀμφότερα, κατά περ λέγεται. ἐξεποιήθη δ’ ὦν τὰ ἀνώτατα αὐτῆσ πρῶτα, μετὰ δὲ τὰ ἐχόμενα τούτων ἐξεποίευν, τελευταῖα δὲ αὐτῆσ τὰ ἐπίγαια καὶ τὰ κατωτάτω ἐξεποίησαν.

σεσήμανται δὲ διὰ γραμμάτων Αἰγυπτίων ἐν τῇ πυραμίδι ὅσα ἔσ τε συρμαίην καὶ κρόμμυα καὶ σκόροδα ἀναισιμώθη τοῖσι ἐργαζομένοισι·

καὶ ὡσ ἐμὲ εὖ μεμνῆσθαι τὰ ὁ ἑρμηνεύσ μοι ἐπιλεγόμενοσ τὰ γράμματα ἔφη, ἑξακόσια καὶ χίλια τάλαντα ἀργυρίου τετελέσθαι. εἰ δ’ ἔστι οὕτω ἔχοντα ταῦτα, κόσα οἰκὸσ ἄλλα δεδαπανῆσθαι ἐστὶ ἔσ τε σίδηρον τῷ ἐργάζοντο καὶ σιτία καὶ ἐσθῆτα τοῖσι ἐργαζομένοισι, ὁκότε χρόνον μὲν οἰκοδόμεον τὰ ἔργα τὸν εἰρημένον, ἄλλον δέ, ὡσ ἐγὼ δοκέω, ἐν τῷ τοὺσ λίθουσ ἔταμνον καὶ ἦγον καὶ τὸ ὑπὸ γῆν ὄρυγμα ἐργάζοντο, οὐκ ὀλίγον χρόνον.

상위

The Histories

목록

일치하는 문장이 없습니다.

SEARCH

MENU NAVIGATION