헬라어 문장 검색 - ΗεροδόΤηεΗιστ́2́122́

(헤로도토스, The Histories, book 2, chapter 121A)

πλοῦτον δὲ τούτῳ τῷ βασιλέι γενέσθαι ἀργύρου μέγαν, τὸν οὐδένα τῶν ὕστερον ἐπιτραφέντων βασιλέων δύνασθαι ὑπερβαλέσθαι οὐδ’ ἐγγὺσ ἐλθεῖν. βουλόμενον δὲ αὐτὸν ἐν ἀσφαλείῃ τὰ χρήματα θησαυρίζειν οἰκοδομέεσθαι οἴκημα λίθινον, τοῦ τῶν τοίχων ἕνα ἐσ τὸ ἔξω μέροσ τῆσ οἰκίησ ἔχειν. τὸν δὲ ἐργαζόμενον ἐπιβουλεύοντα τάδε μηχανᾶσθαι· τῶν λίθων παρασκευάσασθαι ἕνα ἐξαιρετὸν εἶναι ἐκ τοῦ τοίχου ῥηιδίωσ καὶ ὑπὸ δύο ἀνδρῶν καὶ ὑπὸ ἑνόσ. ὡσ δὲ ἐπετελέσθη τὸ οἴκημα, τὸν μὲν βασιλέα θησαυρίσαι τὰ χρήματα ἐν αὐτῷ·

χρόνου δὲ περιιόντοσ τὸν οἰκοδόμον περὶ τελευτὴν τοῦ βίου ἐόντα ἀνακαλέσασθαι τοὺσ παῖδασ εἶναι γὰρ αὐτῷ δύο, τούτοισι δὲ ἀπηγήσασθαι ὡσ ἐκείνων προορῶν, ὅκωσ βίον ἄφθονον ἔχωσι, τεχνάσαιτο οἰκοδομέων τὸν θησαυρὸν τοῦ βασιλέοσ· σαφέωσ δὲ αὐτοῖσι πάντα ἐξηγησάμενον τὰ περὶ τὴν ἐξαίρεσιν τοῦ λίθου δοῦναι τὰ μέτρα αὐτοῦ, λέγοντα ὡσ ταῦτα διαφυλάσσοντεσ ταμίαι τῶν βασιλέοσ χρημάτων ἔσονται. καὶ τὸν μὲν τελευτῆσαι τὸν βίον, τοὺσ δὲ παῖδασ οὐκ ἐσ μακρὴν ἔργου ἔχεσθαι, ἐπελθόντασ δὲ ἐπὶ τὰ βασιλήια νυκτὸσ καὶ τὸν λίθον ἐπὶ τῷ οἰκοδομήματι ἀνευρόντασ ῥηιδίωσ μεταχειρίσασθαι καὶ τῶν χρημάτων πολλὰ ἐξενείκασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 121A

(헤로도토스, The Histories, book 2, chapter 121A)

상위

목록

SEARCH

MENU NAVIGATION