Herodotus, The Histories, book 2, chapter 75

(헤로도토스, The Histories, book 2, chapter 75)

ἔστι δὲ χῶροσ τῆσ Ἀραβίησ κατὰ Βουτοῦν πόλιν μάλιστά κῃ κείμενοσ, καὶ ἐσ τοῦτο τὸ χωρίον ἦλθον πυνθανόμενοσ περὶ τῶν πτερωτῶν ὀφίων· ἀπικόμενοσ δὲ εἶδον ὀστέα ὀφίων καὶ ἀκάνθασ πλήθεϊ μὲν ἀδύνατα ἀπηγήσασθαι, σωροὶ δὲ ἦσαν ἀκανθέων καὶ μεγάλοι καὶ ὑποδεέστεροι καὶ ἐλάσσονεσ ἔτι τούτων, πολλοὶ δὲ ἦσαν οὗτοι. ἔστι δὲ ὁ χῶροσ οὗτοσ, ἐν τῷ αἱ ἄκανθαι κατακεχύαται, τοιόσδε τισ, ἐσβολὴ ἐξ ὀρέων στεινῶν ἐσ πεδίον μέγα, τὸ δὲ πεδίον τοῦτο συνάπτει τῷ Αἰγυπτίῳ πεδίῳ.

λόγοσ δὲ ἐστὶ ἅμα τῷ ἐάρι πτερωτοὺσ ὄφισ ἐκ τῆσ Ἀραβίησ πέτεσθαι ἐπ’ Αἰγύπτου, τὰσ δὲ ἴβισ τὰσ ὄρνιθασ ἀπαντώσασ ἐσ τὴν ἐσβολὴν ταύτησ τῆσ χώρησ οὐ παριέναι τοὺσ ὄφισ ἀλλὰ κατακτείνειν.

καὶ τὴν ἶβιν διὰ τοῦτο τὸ ἔργον τετιμῆσθαι λέγουσι Ἀράβιοι μεγάλωσ πρὸσ Αἰγυπτίων·

ὁμολογέουσι δὲ καὶ Αἰγύπτιοι διὰ ταῦτα τιμᾶν τὰσ ὄρνιθασ ταύτασ.

상위

The Histories

목록

일치하는 문장이 없습니다.

SEARCH

MENU NAVIGATION