헬라어 문장 검색 - ΗεροδόΤηεΗιστ́2́166́

(헤로도토스, The Histories, book 2, chapter 160)

ἐπὶ τοῦτον δὴ τὸν Ψάμμιν βασιλεύοντα Αἰγύπτου ἀπίκοντο Ἠλείων ἄγγελοι, αὐχέοντεσ δικαιότατα καὶ κάλλιστα τιθέναι τὸν ἐν Ὀλυμπίῃ ἀγῶνα πάντων ἀνθρώπων, καὶ δοκέοντεσ παρὰ ταῦτα οὐδ’ ἂν τοὺσ σοφωτάτουσ ἀνθρώπων Αἰγυπτίουσ οὐδὲν ἐπεξευρεῖν· ὡσ δὲ ἀπικόμενοι ἐσ τὴν Αἴγυπτον οἱ Ἠλεῖοι ἔλεγον τῶν εἵνεκα ἀπίκοντο, ἐνθαῦτα ὁ βασιλεὺσ οὗτοσ συγκαλέεται Αἰγυπτίων τοὺσ λεγομένουσ εἶναι σοφωτάτουσ.

συνελθόντεσ δὲ οἱ Αἰγύπτιοι ἐπυνθάνοντο τῶν Ἠλείων λεγόντων ἅπαντα τὰ κατήκει σφέασ ποιέειν περὶ τὸν ἀγῶνα· ἀπηγησάμενοι δὲ τὰ πάντα ἔφασαν ἥκειν ἐπιμαθησόμενοι εἴ τι ἔχοιεν Αἰγύπτιοι τούτων δικαιότερον ἐπεξευρεῖν. οἳ δὲ βουλευσάμενοι ἐπειρώτων τοὺσ Ἠλείουσ εἴ σφι οἱ πολιῆται ἐναγωνίζονται.

οἳ δὲ ἔφασαν καὶ σφέων καὶ τῶν ἄλλων Ἑλλήνων ὁμοίωσ τῷ βουλομένῳ ἐξεῖναι ἀγωνίζεσθαι. οἱ δὲ Αἰγύπτιοι ἔφασαν σφέασ οὕτω τιθέντασ παντὸσ τοῦ δικαίου ἡμαρτηκέναι.

οὐδεμίαν γὰρ εἶναι μηχανὴν ὅκωσ οὐ τῷ ἀστῷ ἀγωνιζομένῳ προσθήσονται, ἀδικέοντεσ τὸν ξεῖνον. ἀλλ’ εἰ δὴ βούλονται δικαίωσ τιθέναι καὶ τούτου εἵνεκα ἀπικοίατο ἐσ Αἴγυπτον, ξείνοισι ἀγωνιστῇσι ἐκέλευον τὸν ἀγῶνα τιθέναι, Ἠλείων δὲ μηδενὶ εἶναι ἀγωνίζεσθαι. ταῦτα μὲν Αἰγύπτιοι Ἠλείοισι ὑπεθήκαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 160

(헤로도토스, The Histories, book 2, chapter 160)

상위

목록

SEARCH

MENU NAVIGATION