Herodotus, The Histories, book 2, chapter 29

(헤로도토스, The Histories, book 2, chapter 29)

ἄλλου δὲ οὐδενὸσ οὐδὲν ἐδυνάμην πυθέσθαι. ἀλλὰ τοσόνδε μὲν ἄλλο ἐπὶ μακρότατον ἐπυθόμην, μέχρι μὲν Ἐλεφαντίνησ πόλιοσ αὐτόπτησ ἐλθών, τὸ δὲ ἀπὸ τούτου ἀκοῇ ἤδη ἱστορέων. ἀπὸ Ἐλεφαντίνησ πόλιοσ ἄνω ἰόντι ἄναντεσ ἐστὶ χωρίον·

ταύτῃ ὦν δεῖ τὸ πλοῖον διαδήσαντασ ἀμφοτέρωθεν κατά περ βοῦν πορεύεσθαι· ἢν δὲ ἀπορραγῇ τὸ πλοῖον οἴχεται φερόμενον ὑπὸ ἰσχύοσ τοῦ ῥόου. τὸ δὲ χωρίον τοῦτο ἐστὶ ἐπ’ ἡμέρασ τέσσερασ πλόοσ, σκολιὸσ δὲ ταύτῃ κατά περ ὁ Μαίανδροσ ἐστὶ ὁ Νεῖλοσ·

σχοῖνοι δὲ δυώδεκα εἰσὶ οὗτοι τοὺσ δεῖ τούτῳ τῷ τρόπῳ διεκπλῶσαι. καὶ ἔπειτα ἀπίξεαι ἐσ πεδίον λεῖον, ἐν τῷ νῆσον περιρρέει ὁ Νεῖλοσ· Ταχομψὼ οὔνομα αὐτῇ ἐστι. οἰκέουσι δὲ τὰ ἀπὸ Ἐλεφαντίνησ ἄνω Αἰθίοπεσ ἤδη καὶ τῆσ νήσου τὸ ἥμισυ, τὸ δὲ ἥμισυ Αἰγύπτιοι.

ἔχεται δὲ τῆσ νήσου λίμνην μεγάλη, τὴν πέριξ νομάδεσ Αἰθίοπεσ νέμονται· τὴν διεκπλώσασ ἐσ τοῦ Νείλου τὸ ῥέεθρον ἥξεισ, τὸ ἐσ τὴν λίμνην ταύτην ἐκδιδοῖ. καὶ ἔπειτα ἀποβὰσ παρὰ τὸν ποταμὸν ὁδοιπορίην ποιήσεαι ἡμερέων τεσσεράκοντα·

σκόπελοί τε γὰρ ἐν τῷ Νείλῳ ὀξέεσ ἀνέχουσι καὶ χοιράδεσ πολλαί εἰσι, δι’ ὧν οὐκ οἱᾶ́ τε ἐστὶ πλέειν. διεξελθὼν δὲ ἐν τῇσι τεσσεράκοντα ἡμέρῃσι τοῦτο τὸ χωρίον, αὖτισ ἐσ ἕτερον πλοῖον ἐσβὰσ δυώδεκα ἡμέρασ πλεύσεαι, καὶ ἔπειτα ἥξεισ ἐσ πόλιν μεγάλην τῇ οὔνομα ἐστὶ Μερόη·

λέγεται δὲ αὕτη ἡ πόλισ εἶναι μητρόπολισ τῶν ἄλλων Αἰθιόπων. οἱ δ’ ἐν ταύτῃ Δία θεῶν καὶ Διόνυσον μούνουσ σέβονται, τούτουσ τε μεγάλωσ τιμῶσι, καί σφι μαντήιον Διὸσ κατέστηκε·

στρατεύονται δὲ ἐπεάν σφεασ ὁ θεὸσ οὗτοσ κελεύῃ διὰ θεσπισμάτων, καὶ τῇ ἂν κελεύῃ, ἐκεῖσε.

상위

The Histories

목록

일치하는 문장이 없습니다.

SEARCH

MENU NAVIGATION