Herodotus, The Histories, book 2, chapter 25

(헤로도토스, The Histories, book 2, chapter 25)

ὡσ δὲ ἐν πλέονι λόγῳ δηλῶσαι, ὧδε ἔχει. διεξιὼν τῆσ Λιβύησ τὰ ἄνω ὁ ἥλιοσ τάδε ποιέει· ἅτε διὰ παντὸσ τοῦ χρόνου αἰθρίου τε ἐόντοσ τοῦ ἠέροσ τοῦ κατὰ ταῦτα τὰ χωρία καὶ ἀλεεινῆσ τῆσ χώρησ ἐούσησ καὶ ἀνέμων ψυχρῶν, διεξιὼν ποιέει οἱο͂́ν περ καὶ τὸ θέροσ ἐώθε ποιέειν ἰὼν τὸ μέσον τοῦ οὐρανοῦ· ἕλκει γὰρ ἐπ’ ἑωυτὸν τὸ ὕδωρ, ἑλκύσασ δὲ ἀπωθέει ἐσ τὰ ἄνω χωρία, ὑπολαμβάνοντεσ δὲ οἱ ἄνεμοι καὶ διασκιδνάντεσ τήκουσι·

δοκέει δέ μοι οὐδὲ πᾶν τὸ ὕδωρ τὸ ἐπέτειον ἑκάστοτε ἀποπέμπεσθαι τοῦ Νείλου ὁ ἥλιοσ, ἀλλὰ καὶ ὑπολείπεσθαι περὶ ἑωυτόν.

πρηϋνομένου δὲ τοῦ χειμῶνοσ ἀπέρχεται ὁ ἥλιοσ ἐσ μέσον τὸν οὐρανὸν ὀπίσω, καὶ τὸ ἐνθεῦτεν ἤδη ὁμοίωσ ἀπὸ πάντων ἕλκει τῶν ποταμῶν. τέωσ δὲ οἳ μὲν ὀμβρίου ὕδατοσ συμμισγομένου πολλοῦ αὐτοῖσι, ἅτε ὑομένησ τε τῆσ χώρησ καὶ κεχαραδρωμένησ, ῥέουσι μεγάλοι·

τοῦ δὲ θέρεοσ τῶν τε ὄμβρων ἐπιλειπόντων αὐτοὺσ καὶ ὑπὸ τοῦ ἡλίου ἑλκόμενοι ἀσθενέεσ εἰσί. ὁ δὲ Νεῖλοσ ἐὼν ἄνομβροσ, ἑλκόμενοσ δὲ ὑπὸ τοῦ ἡλίου μοῦνοσ ποταμῶν τοῦτον τὸν χρόνον, οἰκότωσ αὐτὸσ ἑωυτοῦ ῥέει πολλῷ ὑποδεέστεροσ ἢ τοῦ θέρεοσ·

τότε μὲν γὰρ μετὰ πάντων τῶν ὑδάτων ἴσον ἕλκεται, τὸν δὲ χειμῶνα μοῦνοσ πιέζεται.

상위

The Histories

목록

일치하는 문장이 없습니다.

SEARCH

MENU NAVIGATION