헬라어 문장 검색 - ΗεροδόΤηεΗιστ́2́039́

(헤로도토스, The Histories, book 2, chapter 39)

ἀγαγόντεσ τὸ σεσημασμένον κτῆνοσ πρὸσ τὸν βωμὸν ὅκου ἂν θύωσι, πῦρ ἀνακαίουσι, ἔπειτα δὲ ἐπ’ αὐτοῦ οἶνον κατὰ τοῦ ἱρηίου ἐπισπείσαντεσ καὶ ἐπικαλέσαντεσ τὸν θεὸν σφάζουσι, σφάξαντεσ δὲ ἀποτάμνουσι τὴν κεφαλήν. σῶμα μὲν δὴ τοῦ κτήνεοσ δείρουσι, κεφαλῇ δὲ κείνῃ πολλὰ καταρησάμενοι φέρουσι, τοῖσι μὲν ἂν ᾖ ἀγορὴ καὶ Ἕλληνέσ σφι ἐώσι ἐπιδήμιοι ἔμποροι, οἳ δὲ φέροντεσ ἐσ τὴν ἀγορὴν ἀπ’ ὦν ἔδοντο, τοῖσι δὲ ἂν μὴ παρέωσι Ἕλληνεσ, οἳ δ’ ἐκβάλλουσι ἐσ τὸν ποταμόν·

καταρῶνται δὲ τάδε λέγοντεσ τῇσι κεφαλῇσι, εἴ τι μέλλοι ἢ σφίσι τοῖσι θύουσι ἢ Αἰγύπτῳ τῇ συναπάσῃ κακὸν γενέσθαι, ἐσ κεφαλὴν ταύτην τραπέσθαι.

κατὰ μέν νυν τὰσ κεφαλὰσ τῶν θυομένων κτηνέων καὶ τὴν ἐπίσπεισιν τοῦ οἴνου πάντεσ Αἰγύπτιοι νόμοισι τοῖσι αὐτοῖσι χρέωνται ὁμοίωσ ἐσ πάντα τὰ ἱρά, καὶ ἀπὸ τούτου τοῦ νόμου οὐδὲ ἄλλου οὐδενὸσ ἐμψύχου κεφαλῆσ γεύσεται Αἰγυπτίων οὐδείσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 39

(헤로도토스, The Histories, book 2, chapter 39)

상위

목록

SEARCH

MENU NAVIGATION