헬라어 문장 검색 - ΗεροδόΤηεΗιστ́2́120́

(헤로도토스, The Histories, book 2, chapter 120)

ταῦτα μὲν Αἰγυπτίων οἱ ἱρέεσ ἔλεγον· ἐγὼ δὲ τῷ λόγῳ τῷ περὶ Ἑλένησ λεχθέντι καὶ αὐτὸσ προστίθεμαι, τάδε ἐπιλεγόμενοσ, εἰ ἦν Ἑλένη ἐν Ἰλίῳ, ἀποδοθῆναι ἂν αὐτὴν τοῖσι Ἕλλησι ἤτοι ἑκόντοσ γε ἢ ἀέκοντοσ Ἀλεξάνδρου. οὐ γὰρ δὴ οὕτω γε φρενοβλαβὴσ ἦν ὁ Πρίαμοσ οὐδὲ οἱ ἄλλοι οἱ προσήκοντεσ αὐτῷ, ὥστε τοῖσι σφετέροισι σώμασι καὶ τοῖσι τέκνοισι καὶ τῇ πόλι κινδυνεύειν ἐβούλοντο, ὅκωσ Ἀλέξανδροσ Ἑλένῃ συνοικέῃ.

εἰ δέ τοι καὶ ἐν τοῖσι πρώτοισι χρόνοισι ταῦτα ἐγίνωσκον, ἐπεὶ πολλοὶ μὲν τῶν ἄλλων Τρώων, ὁκότε συμμίσγοιεν τοῖσι Ἕλλησι, ἀπώλλυντο, αὐτοῦ δὲ Πριάμου οὐκ ἔστι ὅτε οὐ δύο ἢ τρεῖσ ἢ καὶ ἔτι πλέουσ τῶν παίδων μάχησ γινομένησ ἀπέθνησκον, εἰ χρή τι τοῖσι ἐποποιοῖσι χρεώμενον λέγειν, τούτων δὲ τοιούτων συμβαινόντων ἐγὼ μὲν ἔλπομαι, εἰ καὶ αὐτὸσ Πρίαμοσ συνοίκεε Ἑλένῃ, ἀποδοῦναι ἂν αὐτὴν τοῖσι Ἀχαιοῖσι, μέλλοντά γε δὴ τῶν παρεόντων κακῶν ἀπαλλαγήσεσθαι.

οὐ μὲν οὐδὲ ἡ βασιληίη ἐσ Ἀλέξανδρον περιήιε, ὥστε γέροντοσ Πριάμου ἐόντοσ ἐπ’ ἐκείνῳ τὰ πρήγματα εἶναι, ἀλλὰ Ἕκτωρ καὶ πρεσβύτεροσ καὶ ἀνὴρ ἐκείνου μᾶλλον ἐὼν ἔμελλε αὐτὴν Πριάμου ἀποθανόντοσ παραλάμψεσθαι, τὸν οὐ προσῆκε ἀδικέοντι τῷ ἀδελφεῷ ἐπιτρέπειν, καὶ ταῦτα μεγάλων κακῶν δι’ αὐτὸν συμβαινόντων ἰδίῃ τε αὐτῷ καὶ τοῖσι ἄλλοισι πᾶσι Τρωσί.

ἀλλ’ οὐ γὰρ εἶχον Ἑλένην ἀποδοῦναι, οὐδὲ λέγουσι αὐτοῖσι τὴν ἀληθείην ἐπίστευον οἱ Ἕλληνεσ, ὡσ μὲν ἐγὼ γνώμην ἀποφαίνομαι, τοῦ δαιμονίου παρασκευάζοντοσ, ὅκωσ πανωλεθρίῃ ἀπολόμενοι καταφανὲσ τοῦτο τοῖσι ἀνθρώποισι ποιήσωσι, ὡσ τῶν μεγάλων ἀδικημάτων μεγάλαι εἰσὶ καὶ αἱ τιμωρίαι παρὰ τῶν θεῶν.

καὶ ταῦτα μὲν τῇ ἐμοὶ δοκέει εἴρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 120

(헤로도토스, The Histories, book 2, chapter 120)

상위

목록

SEARCH

MENU NAVIGATION