헬라어 문장 검색 - ΗεροδόΤηεΗιστ́2́047́

(헤로도토스, The Histories, book 2, chapter 47)

ὗν δὲ Αἰγύπτιοι μιαρὸν ἥγηνται θηρίον εἶναι, καὶ τοῦτο μὲν ἤν τισ ψαύσῃ αὐτῶν παριὼν αὐτοῖσι τοῖσι ἱματίοισι ἀπ’ ὦν ἔβαψε ἑωυτὸν βὰσ ἐσ τὸν ποταμόν· τοῦτο δὲ οἱ συβῶται ἐόντεσ Αἰγύπτιοι ἐγγενέεσ ἐσ ἱρὸν οὐδὲν τῶν ἐν Αἰγύπτῳ ἐσέρχονται μοῦνοι πάντων, οὐδέ σφι ἐκδίδοσθαι οὐδεὶσ θυγατέρα ἐθέλει οὐδ’ ἄγεσθαι ἐξ αὐτῶν, ἀλλ’ ἐκδίδονταί τε οἱ συβῶται καὶ ἄγονται ἐξ ἀλλήλων. τοῖσι μέν νυν ἄλλοισι θεοῖσι θύειν ὗσ οὐ δικαιοῦσι Αἰγύπτιοι, Σελήνῃ δὲ καὶ Διονύσῳ μούνοισι τοῦ αὐτοῦ χρόνου, τῇ αὐτῇ πανσελήνῳ, τοὺσ ὗσ θύσαντεσ πατέονται τῶν κρεῶν.

διότι δὲ τοὺσ ὗσ ἐν μὲν τῇσι ἄλλῃσι ὁρτῇσι ἀπεστυγήκασι ἐν δὲ ταύτῃ θύουσι, ἔστι μὲν λόγοσ περὶ αὐτοῦ ὑπ’ Αἰγυπτίων λεγόμενοσ, ἐμοὶ μέντοι ἐπισταμένῳ οὐκ εὐπρεπέστεροσ ἐστὶ λέγεσθαι. θυσίη δὲ ἥδε τῶν ὑῶν τῇ Σελήνῃ ποιέεται·

ἐπεὰν θύσῃ, τὴν οὐρὴν ἄκρην καὶ τὸν σπλῆνα καὶ τὸν ἐπίπλοον συνθεὶσ ὁμοῦ κατ’ ὦν ἐκάλυψε πάσῃ τοῦ κτήνεοσ τῇ πιμελῇ τῇ περὶ τὴν νηδὺν γινομένῃ, καὶ ἔπειτα καταγίζει πυρί· τὰ δὲ ἄλλα κρέα σιτέονται ἐν τῇ πανσελήνῳ ἐν τῇ ἂν τὰ ἱρὰ θύσωσι, ἐν ἄλλῃ δὲ ἡμέρῃ οὐκ ἂν ἔτι γευσαίατο. οἱ δὲ πένητεσ αὐτῶν ὑπ’ ἀσθενείησ βίου σταιτίνασ πλάσαντεσ ὗσ καὶ ὀπτήσαντεσ ταύτασ θύουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 47

(헤로도토스, The Histories, book 2, chapter 47)

상위

목록

SEARCH

MENU NAVIGATION