헬라어 문장 검색 - ΗεροδόΤηεΗιστ́2́155́

(헤로도토스, The Histories, book 2, chapter 149)

τοῦ δὲ λαβυρίνθου τούτου ἐόντοσ τοιούτου θῶμα ἔτι μέζον παρέχεται ἡ Μοίριοσ καλεομένη λίμνη, παρ’ ἣν ὁ λαβύρινθοσ οὗτοσ οἰκοδόμηται· τῆσ τὸ περίμετρον τῆσ περιόδου εἰσὶ στάδιοι ἑξακόσιοι καὶ τρισχίλιοι, σχοίνων ἑξήκοντα ἐόντων, ἴσοι καὶ αὐτῆσ Αἰγύπτου τὸ παρὰ θάλασσαν. κεῖται δὲ μακρὴ ἡ λίμνη πρὸσ βορέην τε καὶ νότον, ἐοῦσα βάθοσ, τῇ βαθυτάτη αὐτὴ ἑωυτῆσ, πεντηκοντόργυιοσ. ὅτι δὲ χειροποίητοσ ἐστὶ καὶ ὀρυκτή, αὐτὴ δηλοῖ·

ἐν γὰρ μέσῃ τῇ λίμνῃ μάλιστά κῃ ἑστᾶσι δύο πυραμίδεσ, τοῦ ὕδατοσ ὑπερέχουσαι πεντήκοντα ὀργυιὰσ ἑκατέρη, καὶ τὸ κατ’ ὕδατοσ οἰκοδόμηται ἕτερον τοσοῦτον, καὶ ἐπ’ ἀμφοτέρῃσι ἔπεστι κολοσσὸσ λίθινοσ κατήμενοσ ἐν θρόνῳ. οὕτω αἱ μὲν πυραμίδεσ εἰσὶ ἑκατὸν ὀργυιέων, αἱ δ’ ἑκατὸν ὀργυιαὶ δίκαιαι εἰσὶ στάδιον ἑξάπλεθρον, ἑξαπέδου τε τῆσ ὀργυιῆσ μετρεομένησ καὶ τετραπήχεοσ, τῶν ποδῶν μὲν τετραπαλαίστων ἐόντων, τοῦ δὲ πήχεοσ ἑξαπαλαίστου.

τὸ δὲ ὕδωρ τὸ ἐν τῇ λίμνῃ αὐθιγενὲσ μὲν οὐκ ἔστι ἄνυδροσ γὰρ δὴ δεινῶσ ἐστι ἡ ταύτῃ, ἐκ τοῦ Νείλου δὲ κατὰ διώρυχα ἐσῆκται, καὶ ἓξ μὲν μῆνασ ἔσω ῥέει ἐσ τὴν λίμνην, ἓξ δὲ μῆνασ ἔξω ἐσ τὸν Νεῖλον αὖτισ·

καὶ ἐπεὰν μὲν ἐκρέῃ ἔξω, ἣ δὲ τότε τοὺσ ἓξ μῆνασ ἐσ τὸ βασιλήιον καταβάλλει ἐπ’ ἡμέρην ἑκάστην τάλαντον ἀργυρίου ἐκ τῶν ἰχθύων, ἐπεὰν δὲ ἐσίῃ τὸ ὓδωρ ἐσ αὐτήν, εἴκοσι μνέασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 149

(헤로도토스, The Histories, book 2, chapter 149)

상위

목록

SEARCH

MENU NAVIGATION