Herodotus, The Histories, book 2, chapter 108

(헤로도토스, The Histories, book 2, chapter 108)

νοστήσασ δὲ ὁ Σέσωστρισ ἐσ τὴν Αἴγυπτον καὶ τισάμενοσ τὸν ἀδελφεόν, τῷ μὲν ὁμίλῳ τὸν ἐπηγάγετο τῶν τὰσ χώρασ κατεστρέψατο, τούτῳ μὲν τάδε ἐχρήσατο· τούσ τέ οἱ λίθουσ τοὺσ ἐπὶ τούτου τοῦ βασιλέοσ κομισθέντασ ἐσ τοῦ Ἡφαίστου τὸ ἱρόν, ἐόντασ μεγάθεϊ περιμήκεασ, οὗτοι ἦσαν οἱ ἑλκύσαντεσ, καὶ τὰσ διώρυχασ τὰσ νῦν ἐούσασ ἐν Αἰγύπτῳ πάσασ οὗτοι ἀναγκαζόμενοι ὤρυσσον, ἐποίευν τε οὐκ ἑκόντεσ Αἴγυπτον, τὸ πρὶν ἐοῦσαν ἱππασίμην καὶ ἁμαξευομένην πᾶσαν, ἐνδεᾶ τούτων.

ἀπὸ γὰρ τούτου τοῦ χρόνου Αἴγυπτοσ ἐοῦσα πεδιὰσ πᾶσα ἄνιπποσ καὶ ἀναμάξευτοσ γέγονε·

αἴτιαι δὲ τούτων αἱ διώρυχεσ γεγόνασι ἐοῦσαι πολλαὶ καὶ παντοίουσ τρόπουσ ἔχουσαί. κατέταμνε δὲ τοῦδε εἵνεκα τὴν χώρην ὁ βασιλεύσ·

ὅσοι τῶν Αἰγυπτίων μὴ ἐπὶ τῷ ποταμῷ ἔκτηντο τὰσ πόλισ ἀλλ’ ἀναμέσουσ, οὗτοι, ὅκωσ τε ἀπίοι ὁ ποταμόσ, σπανίζοντεσ ὑδάτων πλατυτέροισι ἐχρέωντο τοῖσι πόμασι, ἐκ φρεάτων χρεώμενοι.

상위

The Histories

목록

일치하는 문장이 없습니다.

SEARCH

MENU NAVIGATION