Herodotus, The Histories, book 2, chapter 87

(헤로도토스, The Histories, book 2, chapter 87)

οὕτω μὲν τοὺσ τὰ πολυτελέστατα σκευάζουσι νεκρούσ, τοὺσ δὲ τὰ μέσα βουλομένουσ τὴν δὲ πολυτελείην φεύγοντασ σκευάζουσι ὧδε· ἐπεὰν τοὺσ κλυστῆρασ πλήσωνται τοῦ ἀπὸ κέδρου ἀλείφατοσ γινομένου, ἐν ὦν ἔπλησαν τοῦ νεκροῦ τὴν κοιλίην, οὔτε ἀναταμόντεσ αὐτὸν οὔτε ἐξελόντεσ τὴν νηδύν, κατὰ δὲ τὴν ἕδρην ἐσηθήσαντεσ καὶ ἐπιλαβόντεσ τὸ κλύσμα τῆσ ὀπίσω ὁδοῦ ταριχεύουσι τὰσ προκειμένασ ἡμέρασ, τῇ δὲ τελευταίῃ ἐξιεῖσι ἐκ τῆσ κοιλίησ τὴν κεδρίην τὴν ἐσῆκαν πρότερον.

ἣ δὲ ἔχει τοσαύτην δύναμιν ὥστε ἅμα ἑωυτῇ τὴν νηδὺν καὶ τὰ σπλάγχνα κατατετηκότα ἐξάγει·

τὰσ δὲ σάρκασ τὸ λίτρον κατατήκει, καὶ δὴ λείπεται τοῦ νεκροῦ τὸ δέρμα μοῦνον καὶ τὰ ὀστέα. ἐπεὰν δὲ ταῦτα ποιήσωσι, ἀπ’ ὦν ἔδωκαν οὕτω τὸν νεκρόν, οὐδὲν ἔτι πρηγματευθέντεσ.

상위

The Histories

목록

일치하는 문장이 없습니다.

SEARCH

MENU NAVIGATION