헬라어 문장 검색 - ΗεροδόΤηεΗιστ́2́035́

(헤로도토스, The Histories, book 2, chapter 35)

Νείλου μέν νυν πέρι τοσαῦτα εἰρήσθω· ἔρχομαι δὲ περὶ Αἰγύπτου μηκυνέων τὸν λόγον, ὅτι πλεῖστα θωμάσια ἔχει ἢ ἡ ἄλλη πᾶσα χώρη καὶ ἔργα λόγου μέζω παρέχεται πρὸσ πᾶσαν χώρην τούτων εἵνεκα πλέω περὶ αὐτῆσ εἰρήσεται. Αἰγύπτιοι ἅμα τῷ οὐρανῷ τῷ κατὰ σφέασ ἐόντι ἑτεροίῳ καὶ τῷ ποταμῷ φύσιν ἀλλοίην παρεχομένῳ ἢ οἱ ἄλλοι ποταμοί, τὰ πολλὰ πάντα ἔμπαλιν τοῖσι ἄλλοισι ἀνθρώποισι ἐστήσαντο ἤθεά τε καὶ νόμουσ·

ἐν τοῖσι αἱ μὲν γυναῖκεσ ἀγοράζουσι καὶ καπηλεύουσι, οἱ δὲ ἄνδρεσ κατ’ οἴκουσ ἐόντεσ ὑφαίνουσι· ὑφαίνουσι δὲ οἱ μὲν ἄλλοι ἄνω τὴν κρόκην ὠθέοντεσ, Αἰγύπτιοι δὲ κάτω. τὰ ἄχθεα οἱ μὲν ἄνδρεσ ἐπὶ τῶν κεφαλέων φορέουσι, αἱ δὲ γυναῖκεσ ἐπὶ τῶν ὤμων.

οὐρέουσι αἱ μὲν γυναῖκεσ ὀρθαί, οἱ δὲ ἄνδρεσ κατήμενοι. εὐμαρείῃ χρέωνται ἐν τοῖσι οἴκοισι, ἐσθίουσι δὲ ἔξω ἐν τῇσι ὁδοῖσι ἐπιλέγοντεσ ὡσ τὰ μὲν αἰσχρὰ ἀναγκαῖα δὲ ἐν ἀποκρύφῳ ἐστὶ ποιέειν χρεόν, τὰ δὲ μὴ αἰσχρὰ ἀναφανδόν. ἱρᾶται γυνὴ μὲν οὐδεμία οὔτε ἔρσενοσ θεοῦ οὔτε θηλέησ, ἄνδρεσ δὲ πάντων τε καὶ πασέων.

τρέφειν τοὺσ τοκέασ τοῖσι μὲν παισὶ οὐδεμία ἀνάγκη μὴ βουλομένοισι, τῇσι δὲ θυγατράσι πᾶσα ἀνάγκη καὶ μὴ βουλομένῃσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 35

(헤로도토스, The Histories, book 2, chapter 35)

상위

목록

SEARCH

MENU NAVIGATION