Herodotus, The Histories, book 2, chapter 109

(헤로도토스, The Histories, book 2, chapter 109)

τούτων μὲν δὴ εἵνεκα κατετμήθη ἡ Αἴγυπτοσ. κατανεῖμαι δὲ τὴν χώρην Αἰγυπτίοισι ἅπασι τοῦτον ἔλεγον τὸν βασιλέα, κλῆρον ἴσον ἑκάστῳ τετράγωνον διδόντα, καὶ ἀπὸ τούτου τὰσ προσόδουσ ποιήσασθαι, ἐπιτάξαντα ἀποφορὴν ἐπιτελέειν κατ’ ἐνιαυτόν. εἰ δὲ τινὸσ τοῦ κλήρου ὁ ποταμόσ τι παρέλοιτο, ἐλθὼν ἂν πρὸσ αὐτὸν ἐσήμαινε τὸ γεγενημένον·

ὁ δὲ ἔπεμπε τοὺσ ἐπισκεψομένουσ καὶ ἀναμετρήσοντασ ὅσῳ ἐλάσσων ὁ χῶροσ γέγονε, ὅκωσ τοῦ λοιποῦ κατὰ λόγον τῆσ τεταγμένησ ἀποφορῆσ τελέοι. δοκέει δέ μοι ἐνθεῦτεν γεωμετρίη εὑρεθεῖσα ἐσ τὴν Ἑλλάδα ἐπανελθεῖν·

πόλον μὲν γὰρ καὶ γνώμονα καὶ τὰ δυώδεκα μέρεα τῆσ ἡμέρησ παρὰ Βαβυλωνίων ἔμαθον οἱ Ἕλληνεσ.

상위

The Histories

목록

일치하는 문장이 없습니다.

SEARCH

MENU NAVIGATION