헬라어 문장 검색 - ΗεροδόΤηεΗιστ́2́092́

(헤로도토스, The Histories, book 2, chapter 92)

ταῦτα μὲν πάντα οἱ κατύπερθε τῶν ἑλέων οἰκέοντεσ Αἰγύπτιοι νομίζουσι· οἱ δὲ δὴ ἐν τοῖσι ἕλεσι κατοικημένοι τοῖσι μὲν αὐτοῖσι νόμοισι χρέωνται τοῖσι καὶ οἱ ἄλλοι Αἰγύπτιοι, καὶ τὰ ἄλλα καὶ γυναικὶ μιῇ ἕκαστοσ αὐτῶν συνοικέει κατά περ Ἕλληνεσ, ἀτὰρ πρὸσ εὐτελείην τῶν σιτίων τάδε σφι ἄλλα ἐξεύρηται. ἐπεὰν πλήρησ γένηται ὁ ποταμὸσ καὶ τὰ πεδία πελαγίσῃ, φύεται ἐν τῷ ὕδατι κρίνεα πολλά, τὰ Αἰγύπτιοι καλέουσι λωτόν·

ταῦτ’ ἐπεὰν δρέψωσι αὐαίνουσι πρὸσ ἥλιον καὶ ἔπειτα τὸ ἐκ μέσου τοῦ λωτοῦ, τῇ μήκωνι ἐὸν ἐμφερέσ, πτίσαντεσ ποιεῦνται ἐξ αὐτοῦ ἄρτουσ ὀπτοὺσ πυρί. ἔστι δὲ καὶ ἡ ῥίζα τοῦ λωτοῦ τούτου ἐδωδίμη καὶ ἐγγλύσσει ἐπιεικέωσ, ἐὸν στρογγύλον, μέγαθοσ κατὰ μῆλον.

ἔστι δὲ καὶ ἄλλα κρίνεα ῥόδοισι ἐμφερέα, ἐν τῷ ποταμῷ γινόμενα καὶ ταῦτα, ἐξ ὧν ὁ καρπὸσ ἐν ἄλλῃ κάλυκι παραφυομένῃ ἐκ τῆσ ῥίζησ γίνεται, κηρίῳ σφηκῶν ἰδέην ὁμοιότατον·

ἐν τούτῳ τρωκτὰ ὅσον τε πυρὴν ἐλαίησ ἐγγίνεται συχνά, τρώγεται δὲ καὶ ἁπαλὰ ταῦτα καὶ αὐᾶ. τὴν δὲ βύβλον τὴν ἐπέτειον γινομένην ἐπεὰν ἀνασπάσωσι ἐκ τῶν ἑλέων, τὰ μὲν ἄνω αὐτῆσ ἀποτάμνοντεσ ἐσ ἄλλο τι τρέπουσι, τὸ δὲ κάτω λελειμμένον ὅσον τε ἐπὶ πῆχυν τρώγουσι καὶ πωλέουσι·

οἳ δὲ ἂν καὶ κάρτα βούλωνται χρηστῇ τῇ βύβλῳ χρᾶσθαι, ἐν κλιβάνῳ διαφανέι πνίξαντεσ οὕτω τρώγουσι. οἳ δὲ τινὲσ αὐτῶν ζῶσι ἀπὸ τῶν ἰχθύων μοῦνον, τοὺσ ἐπεὰν λάβωσι καὶ ἐξέλωσι τὴν κοιλίην, αὐαίνουσι πρὸσ ἥλιον καὶ ἔπειτα αὐούσ ἐόντασ σιτέονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 92

(헤로도토스, The Histories, book 2, chapter 92)

상위

목록

SEARCH

MENU NAVIGATION