헬라어 문장 검색 - ΗεροδόΤηεΗιστ́2́046́

(헤로도토스, The Histories, book 2, chapter 46)

τὰσ δὲ δὴ αἶγασ καὶ τοὺσ τράγουσ τῶνδε εἵνεκα οὐ θύουσι Αἰγυπτίων οἱ εἰρημένοι· τὸν Πᾶνα τῶν ὀκτὼ θεῶν λογίζονται εἶναι οἱ Μενδήσιοι, τοὺσ δὲ ὀκτὼ θεοὺσ τούτουσ προτέρουσ τῶν δυώδεκα θεῶν φασι γενέσθαι. γράφουσί τε δὴ καὶ γλύφουσι οἱ ζωγράφοι καὶ οἱ ἀγαλματοποιοὶ τοῦ Πανὸσ τὤγαλμα κατά περ Ἕλληνεσ αἰγοπρόσωπον καὶ τραγοσκελέα, οὔτι τοιοῦτον νομίζοντεσ εἶναί μιν ἀλλὰ ὁμοῖον τοῖσι ἄλλοισι θεοῖσι·

ὅτευ δὲ εἵνεκα τοιοῦτον γράφουσι αὐτόν, οὔ μοι ἥδιον ἐστὶ λέγειν. σέβονται δὲ πάντασ τοὺσ αἶγασ οἱ Μενδήσιοι, καὶ μᾶλλον τοὺσ ἔρσενασ τῶν θηλέων, καὶ τούτων οἱ αἰπόλοι τιμὰσ μέζονασ ἔχουσι·

ἐκ δὲ τούτων ἕνα μάλιστα, ὅστισ ἐπεὰν ἀποθάνῃ, πένθοσ μέγα παντὶ τῷ Μενδησίῳ νομῷ τίθεται. καλέεται δὲ ὅ τε τράγοσ καὶ ὁ Πὰν Αἰγυπτιστὶ Μένδησ.

ἐγένετο δὲ ἐν τῷ νομῷ τούτῳ ἐπ’ ἐμεῦ τοῦτο τὸ τέρασ· γυναικὶ τράγοσ ἐμίσγετο ἀναφανδόν. τοῦτο ἐσ ἐπίδεξιν ἀνθρώπων ἀπίκετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 46

(헤로도토스, The Histories, book 2, chapter 46)

상위

목록

SEARCH

MENU NAVIGATION