헬라어 문장 검색 - ΗεροδόΤηεΗιστ́2́115́

(헤로도토스, The Histories, book 2, chapter 115)

ἀκούσασ δὲ ταῦτα ὁ Θῶνισ συλλαμβάνει τὸν Ἀλέξανδρον καὶ τὰσ νέασ αὐτοῦ κατίσχει, μετὰ δὲ αὐτόν τε τοῦτον ἀνήγαγε ἐσ Μέμφιν καὶ τὴν Ἑλένην τε καὶ τὰ χρήματα, πρὸσ δὲ καὶ τοὺσ ἱκέτασ. ἀνακομισθέντων δὲ πάντων, εἰρώτα τὸν Ἀλέξανδρον ὁ Πρωτεὺσ τίσ εἰή καὶ ὁκόθεν πλέοι.

ὁ δέ οἱ καὶ τὸ γένοσ κατέλεξε καὶ τῆσ πάτρησ εἶπε τὸ οὔνομα, καὶ δὴ καὶ τὸν πλόον ἀπηγήσατο ὁκόθεν πλέοι. μετὰ δὲ ὁ Πρωτεὺσ εἰρώτα αὐτὸν ὁκόθεν τὴν Ἑλένην λάβοι·

πλανωμένου δὲ τοῦ Ἀλεξάνδρου ἐν τῷ λόγῳ καὶ οὐ λέγοντοσ τὴν ἀληθείην, ἤλεγχον οἱ γενόμενοι ἱκέται, ἐξηγεύμενοι πάντα λόγον τοῦ ἀδικήματοσ. τέλοσ δὲ δή σφι λόγον τόνδε ἐκφαίνει ὁ Πρωτεύσ, λέγων ὅτι "ἐγὼ εἰ μὴ περὶ πολλοῦ ἡγεύμην μηδένα ξείνων κτείνειν, ὅσοι ὑπ’ ἀνέμων ἤδη ἀπολαμφθέντεσ ἦλθον ἐσ χώρην τὴν ἐμήν, ἐγὼ ἄν σε ὑπὲρ τοῦ Ἕλληνοσ ἐτισάμην, ὅσ, ὦ κάκιστε ἀνδρῶν, ξεινίων τυχὼν ἔργον ἀνοσιώτατον ἐργάσαο·

παρὰ τοῦ σεωυτοῦ ξείνου τὴν γυναῖκα ἦλθεσ. καὶ μάλα ταῦτά τοι οὐκ ἤρκεσε, ἀλλ’ ἀναπτερώσασ αὐτὴν οἴχεαι ἔχων ἐκκλέψασ. καὶ οὐδὲ ταῦτά τοι μοῦνα ἤρκεσε, ἀλλὰ καὶ οἰκία τοῦ ξείνου κεραί̈σασ ἥκεισ.

νῦν ὦν ἐπειδὴ περὶ πολλοῦ ἥγημαι μὴ ξεινοκτονέειν, γυναῖκα μὲν ταύτην καὶ τὰ χρήματα οὔ τοι προήσω ἀπάγεσθαι, ἀλλ’ αὐτὰ ἐγὼ τῷ Ἕλληνι ξείνῳ φυλάξω, ἐσ ὃ ἂν αὐτὸσ ἐλθὼν ἐκεῖνοσ ἀπαγαγέσθαι ἐθέλῃ·

αὐτὸν δέ σε καὶ τοὺσ σοὺσ συμπλόουσ τριῶν ἡμερέων προαγορεύω ἐκ τῆσ ἐμῆσ γῆσ ἐσ ἄλλην τινὰ μετορμίζεσθαι, εἰ δὲ μή, ἅτε πολεμίουσ περιέψεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 115

(헤로도토스, The Histories, book 2, chapter 115)

상위

목록

SEARCH

MENU NAVIGATION