헬라어 문장 검색 - ΗεροδόΤηεΗιστ́2́063́

(헤로도토스, The Histories, book 2, chapter 63)

ἐσ δὲ Ἡλίου τε πόλιν καὶ Βουτοῦν θυσίασ μούνασ ἐπιτελέουσι φοιτέοντεσ. ἐν δὲ Παπρήμι θυσίασ μὲν καὶ ἱρὰ κατά περ καὶ τῇ ἄλλῃ ποιεῦσι· εὖτ’ ἂν δὲ γίνηται καταφερὴσ ὁ ἥλιοσ, ὀλίγοι μὲν τινὲσ τῶν ἱρέων περὶ τὤγαλμα πεπονέαται, οἱ δὲ πολλοὶ αὐτῶν ξύλων κορύνασ ἔχοντεσ ἑστᾶσι τοῦ ἱροῦ ἐν τῇ ἐσόδῳ, ἄλλοι τε εὐχωλὰσ ἐπιτελέοντεσ πλεῦνεσ χιλίων ἀνδρῶν, ἕκαστοι ἔχοντεσ ξύλα καὶ οὗτοι, ἐπὶ τὰ ἕτερα ἁλέεσ ἑστᾶσι. τὸ δὲ ἄγαλμα ἐὸν ἐν νηῷ μικρῷ ξυλίνῳ κατακεχρυσωμένῳ προεκκομίζουσι τῇ προτεραίῃ ἐσ ἄλλο οἴκημα ἱρόν.

οἱ μὲν δὴ ὀλίγοι οἱ περὶ τὤγαλμα λελειμμένοι ἕλκουσι τετράκυκλον ἅμαξαν ἄγουσαν τὸν νηόν τε καὶ τὸ ἐν τῷ νηῷ ἐνεὸν ἄγαλμα, οἳ δὲ οὐκ ἐῶσι ἐν τοῖσι προπυλαίοισι ἑστεῶτεσ ἐσιέναι, οἱ δὲ εὐχωλιμαῖοι τιμωρέοντεσ τῷ θεῷ παίουσι αὐτοὺσ ἀλεξομένουσ. ἐνθαῦτα μάχη ξύλοισι καρτερὴ γίνεται κεφαλάσ τε συναράσσονται, καὶ ὡσ ἐγὼ δοκέω πολλοὶ καὶ ἀποθνήσκουσι ἐκ τῶν τρωμάτων·

οὐ μέντοι οἵ γε Αἰγύπτιοι ἔφασαν ἀποθνήσκειν οὐδένα. τὴν δὲ πανήγυριν ταύτην ἐκ τοῦδε νομίσαι φασὶ οἱ ἐπιχώριοι·

οἰκέειν ἐν τῷ ἱρῷ τούτῳ τοῦ Ἄρεοσ τὴν μητέρα, καὶ τὸν Ἄρεα ἀπότροφον γενόμενον ἐλθεῖν ἐξανδρωμένον ἐθέλοντα τῇ μητρὶ συμμῖξαι, καὶ τοὺσ προπόλουσ τῆσ μητρόσ, οἱᾶ οὐκ ὀπωπότασ αὐτὸν πρότερον, οὐ περιορᾶν παριέναι ἀλλὰ ἀπερύκειν, τὸν δὲ ἐξ ἄλλησ πόλιοσ ἀγαγόμενον ἀνθρώπουσ τούσ τε προπόλουσ τρηχέωσ περισπεῖν καὶ ἐσελθεῖν παρὰ τὴν μητέρα. ἀπὸ τούτου τῷ Ἄρεϊ ταύτην τὴν πληγὴν ἐν τῇ ὁρτῇ νενομικέναι φασί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 63

(헤로도토스, The Histories, book 2, chapter 63)

상위

목록

SEARCH

MENU NAVIGATION