헬라어 문장 검색 - ΗεροδόΤηεΗιστ́2́141́

(헤로도토스, The Histories, book 2, chapter 135)

Ῥοδῶπισ δὲ ἐσ Αἴγυπτον ἀπίκετο Εἄνθεω τοῦ Σαμίου κομίσαντοσ, ἀπικομένη δὲ κατ’ ἐργασίην ἐλύθη χρημάτων μεγάλων ὑπὸ ἀνδρὸσ Μυτιληναίου Χαράξου τοῦ Σκαμανδρωνύμου παιδόσ, ἀδελφεοῦ δὲ Σαπφοῦσ τῆσ μουσοποιοῦ. οὕτω δὴ ἡ Ῥοδῶπισ ἐλευθερώθη, καὶ κατέμεινέ τε ἐν Αἰγύπτῳ καὶ κάρτα ἐπαφρόδιτοσ γενομένη μεγάλα ἐκτήσατο χρήματα ὡσ ἂν εἶναι Ῥοδώπι, ἀτὰρ οὐκ ὥσ γε ἐσ πυραμίδα τοιαύτην ἐξικέσθαι.

τῆσ γὰρ τὴν δεκάτην τῶν χρημάτων ἰδέσθαι ἐστὶ ἔτι καὶ ἐσ τόδε παντὶ τῷ βουλομένῳ, οὐδὲν δεῖ μεγάλα οἱ χρήματα ἀναθεῖναι.

ἐπεθύμησε γὰρ Ῥοδῶπισ μνημήιον ἑωυτῆσ ἐν τῇ Ἑλλάδι καταλιπέσθαι, ποίημα ποιησαμένη τοῦτο τὸ μὴ τυγχάνοι ἄλλῳ ἐξευρημένον καὶ ἀνακείμενον ἐν ἱρῷ, τοῦτο ἀναθεῖναι ἐσ Δελφοὺσ μνημόσυνον ἑωυτῆσ. τῆσ ὦν δεκάτησ τῶν χρημάτων ποιησαμένη ὀβελοὺσ βουπόρουσ πολλοὺσ σιδηρέουσ, ὅσον ἐνεχώρεε ἡ δεκάτη οἱ, ἀπέπεμπε ἐσ Δελφούσ·

οἳ καὶ νῦν ἔτι συννενέαται ὄπισθε μὲν τοῦ βωμοῦ τὸν Χῖοι ἀνέθεσαν, ἀντίον δὲ αὐτοῦ τοῦ νηοῦ. φιλέουσι δέ κωσ ἐν τῇ Ναυκράτι ἐπαφρόδιτοι γίνεσθαι αἱ ἑταῖραι.

τοῦτο μὲν γὰρ αὕτη, τῆσ πέρι λέγεται ὅδε ὁ λόγοσ, οὕτω δή τι κλεινὴ ἐγένετο ὡσ καὶ οἱ πάντεσ Ἕλληνεσ Ῥοδώπιοσ τὸ οὔνομα ἐξέμαθον· τοῦτο δὲ ὕστερον ταύτησ, τῇ οὔνομα ἦν Ἀρχιδίκη, ἀοίδιμοσ ἀνὰ τὴν Ἑλλάδα ἐγένετο, ἧσσον δὲ τῆσ ἑτέρησ περιλεσχήνευτοσ. Χάραξοσ δὲ ὡσ λυσάμενοσ Ῥοδῶπιν ἀπενόστησε ἐσ Μυτιλήνην, ἐν μέλεϊ Σαπφὼ πολλὰ κατεκερτόμησέ μιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 135

(헤로도토스, The Histories, book 2, chapter 135)

상위

목록

SEARCH

MENU NAVIGATION