헬라어 문장 검색 - ΗεροδόΤηεΗιστ́2́111́

(헤로도토스, The Histories, book 2, chapter 111)

Σεσώστριοσ δὲ τελευτήσαντοσ ἐκδέξασθαι ἔλεγον τὴν βασιληίην τὸν παῖδα αὐτοῦ Φερῶν, τὸν ἀποδέξασθαι μὲν οὐδεμίαν στρατηίην, συνενειχθῆναι δέ οἱ τυφλὸν γενέσθαι διὰ τοιόνδε πρῆγμα. τοῦ ποταμοῦ κατελθόντοσ μέγιστα δὴ τότε ἐπ’ ὀκτωκαίδεκα πήχεασ, ὡσ ὑπερέβαλε τὰσ ἀρούρασ, πνεύματοσ ἐμπεσόντοσ κυματίησ ὁ ποταμὸσ ἐγένετο· τὸν δὲ βασιλέα λέγουσι τοῦτον ἀτασθαλίῃ χρησάμενον, λαβόντα αἰχμὴν βαλεῖν ἐσ μέσασ τὰσ δίνασ τοῦ ποταμοῦ, μετὰ δὲ αὐτίκα καμόντα αὐτὸν τοὺσ ὀφθαλμοὺσ τυφλωθῆναι.

δέκα μὲν δὴ ἔτεα εἶναί μιν τυφλόν, ἑνδεκάτῳ δὲ ἔτεϊ ἀπικέσθαι οἱ μαντήιον ἐκ Βουτοῦσ πόλιοσ ὡσ ἐξήκει τέ οἱ ὁ χρόνοσ τῆσ ζημίησ καὶ ἀναβλέψει γυναικὸσ οὔρῳ νιψάμενοσ τοὺσ ὀφθαλμούσ, ἥτισ παρὰ τὸν ἑωυτῆσ ἄνδρα μοῦνον πεφοίτηκε, ἄλλων ἀνδρῶν ἐοῦσα ἄπειροσ. καὶ τὸν πρώτησ τῆσ ἑωυτοῦ γυναικὸσ πειρᾶσθαι, μετὰ δέ, ὡσ οὐκ ἀνέλεπε, ἐπεξῆσ πασέων πειρᾶσθαι·

ἀναβλέψαντα δὲ συναγαγεῖν τὰσ γυναῖκασ τῶν ἐπειρήθη, πλὴν ἢ τῆσ τῷ οὔρῳ νιψάμενοσ ἀνέβλεψε, ἐσ μίαν πόλιν, ἣ νῦν καλέεται Ἐρυθρὴ βῶλοσ· ἐσ ταύτην συναλίσαντα ὑποπρῆσαι πάσασ σὺν αὐτῇ τῇ πόλι· τῆσ δὲ νιψάμενοσ τῷ οὔρῳ ἀνέβλεψε, ταύτην δὲ ἔσχε αὐτὸσ γυναῖκα.

ἀναθήματα δὲ ἀποφυγὼν τὴν πάθην τῶν ὀφθαλμῶν ἄλλα τε ἀνὰ τὰ ἱρὰ πάντα τὰ λόγιμα ἀνέθηκε καὶ τοῦ γε λόγον μάλιστα ἄξιον ἐστὶ ἔχειν, ἐσ τοῦ Ἡλίου τὸ ἱρὸν ἀξιοθέητα ἀνέθηκε ἔργα, ὀβελοὺσ δύο λιθίνουσ, ἐξ ἑνὸσ ἐόντα ἑκάτερον λίθου, μῆκοσ μὲν ἑκάτερον πηχέων ἑκατόν, εὖροσ δὲ ὀκτὼ πηχέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 111

(헤로도토스, The Histories, book 2, chapter 111)

상위

목록

SEARCH

MENU NAVIGATION