Herodotus, The Histories, book 2, chapter 134

(헤로도토스, The Histories, book 2, chapter 134)

πυραμίδα δὲ οὗτοσ ἀπελίπετο πολλὸν ἐλάσσω τοῦ πατρόσ, εἴκοσι ποδῶν καταδέουσαν κῶλον ἕκαστον τριῶν πλέθρων, ἐούσησ τετραγώνου, λίθου δὲ ἐσ τὸ ἥμισυ Αἰθιοπικοῦ· τὴν δὴ μετεξέτεροι φασὶ Ἑλλήνων Ῥοδώπιοσ ἑταίρησ γυναικὸσ εἶναι, οὐκ ὀρθῶσ λέγοντεσ. οὐδὲ ὦν οὐδὲ εἰδότεσ μοι φαίνονται λέγειν οὗτοι ἥτισ ἦν ἡ Ῥοδῶπισ·

οὐ γὰρ ἄν οἱ πυραμίδα ἀνέθεσαν ποιήσασθαι τοιαύτην, ἐσ τὴν ταλάντων χιλιάδεσ ἀναρίθμητοι ὡσ λόγῳ εἰπεῖν ἀναισίμωνται· πρὸσ δὲ ὅτι κατὰ Ἄμασιν βασιλεύοντα ἦν ἀκμάζουσα Ῥοδῶπισ, ἀλλ’ οὐ κατὰ τοῦτον. ἔτεσι γὰρ κάρτα πολλοῖσι ὕστερον τούτων τῶν βασιλέων τῶν τὰσ πυραμίδασ ταύτασ ἦν λιπομένων Ῥοδῶπισ, γενεὴν μὲν ἀπὸ Θρηίκησ, δούλη δὲ ἦν Ιἄδμονοσ τοῦ Ἡφαιστοπόλιοσ ἀνδρὸσ Σαμίου, σύνδουλοσ δὲ Αἰσώπου τοῦ λογοποιοῦ.

καὶ γὰρ οὗτοσ Ιἄδμονοσ ἐγένετο, ὡσ διέδεξε τῇδε οὐκ ἥκιστα· ἐπείτε γὰρ πολλάκισ κηρυσσόντων Δελφῶν ἐκ θεοπροπίου ὃσ βούλοιτο ποινὴν τῆσ Αἰσώπου ψυχῆσ ἀνελέσθαι, ἄλλοσ μὲν οὐδεὶσ ἐφάνη, Ιἄδμονοσ δὲ παιδὸσ παῖσ ἄλλοσ Ιἄδμων ἀνείλετο.

οὕτω καὶ Αἴσωποσ Ιἄδμονοσ ἐγένετο.

상위

The Histories

목록

일치하는 문장이 없습니다.

SEARCH

MENU NAVIGATION