Herodotus, The Histories, book 2, chapter 69

(헤로도토스, The Histories, book 2, chapter 69)

τοῖσι μὲν δὴ τῶν Αἰγυπτίων ἱροί εἰσι οἱ κροκόδειλοι, τοῖσι δὲ οὔ, ἀλλ’ ἅτε πολεμίουσ περιέπουσι· οἱ δὲ περί τε Θήβασ καὶ τὴν Μοίριοσ λίμνην οἰκέοντεσ καὶ κάρτα ἥγηνται αὐτοὺσ εἶναι ἱρούσ· ἐκ πάντων δὲ ἕνα ἑκάτεροι τρέφουσι κροκόδειλον δεδιδαγμένον εἶναι χειροήθεα, ἀρτήματά τε λίθινα χυτὰ καὶ χρύσεα ἐσ τὰ ὦτα ἐνθέντεσ καὶ ἀμφιδέασ περὶ τοὺσ ἐμπροσθίουσ πόδασ, καὶ σιτία ἀποτακτὰ διδόντεσ καὶ ἱρήια, καὶ περιέποντεσ ὡσ κάλλιστα ζῶντασ·

ἀποθανόντασ δὲ θάπτουσι ταριχεύσαντεσ ἐν ἱρῇσι θήκῃσι. οἱ δὲ περὶ Ἐλεφαντίνην πόλιν οἰκέοντεσ καὶ ἐσθίουσι αὐτοὺσ οὐκ ἡγεόμενοι ἱροὺσ εἶναι.

καλέονται δὲ οὐ κροκόδειλοι ἀλλὰ χάμψαι· κροκοδείλουσ δὲ Ιὤνεσ ὠνόμασαν, εἰκάζοντεσ αὐτῶν τὰ εἴδεα τοῖσι παρὰ σφίσι γινομένοισι κροκοδείλοισι τοῖσι ἐν τῇσι αἱμασιῇσι.

상위

The Histories

목록

일치하는 문장이 없습니다.

SEARCH

MENU NAVIGATION