호흡부호 보기
강세부호 보기
장단부호 보기
작은 Iota 보기
모든 부호 보기
εἰ ὦν βουλόμεθα γνώμῃσι τῇσι Ιὤνων χρᾶσθαι τὰ περὶ Αἴγυπτον, οἳ φασὶ τὸ Δέλτα μοῦνον εἶναι Αἴγυπτον, ἀπὸ Περσέοσ καλεομένησ σκοπιῆσ λέγοντεσ τὸ παρὰ θάλασσαν εἶναι αὐτῆσ μέχρι Ταριχηίων τῶν Πηλουσιακῶν, τῇ δὴ τεσσεράκοντα εἰσὶ σχοῖνοι, τὸ δὲ ἀπὸ θαλάσσησ λεγόντων ἐσ μεσόγαιαν τείνειν αὐτὴν μέχρι Κερκασώρου πόλιοσ, κατ’ ἣν σχίζεται ὁ Νεῖλοσ ἔσ τε Πηλούσιον ῥέων καὶ ἐσ Κάνωβον, τὰ δὲ ἄλλα λεγόντων τῆσ Αἰγύπτου τὰ μὲν Λιβύησ τὰ δὲ Ἀραβίησ εἶναι, ἀποδεικνύοιμεν ἂν τούτῳ τῷ λόγῳ χρεώμενοι Αἰγυπτίοισι οὐκ ἐοῦσαν πρότερον χώρην. ἤδη γάρ σφι τό γε Δέλτα, ὡσ αὐτοὶ λέγουσι Αἰγύπτιοι καὶ ἐμοὶ δοκέει, ἐστὶ κατάρρυτόν τε καὶ νεωστὶ ὡσ λόγῳ εἰπεῖν ἀναπεφηνόσ.
εἰ τοίνυν σφι χώρη γε μηδεμία ὑπῆρχε, τί περιεργάζοντο δοκέοντεσ πρῶτοι ἀνθρώπων γεγονέναι; οὐδὲ ἔδει σφέασ ἐσ διάπειραν τῶν παιδίων ἰέναι, τίνα γλῶσσαν πρώτην ἀπήσουσι. ἀλλ’ οὔτε Αἰγυπτίουσ δοκέω ἅμα τῷ Δέλτα τῷ ὑπὸ Ιὤνων καλεομένῳ γενέσθαι αἰεί τε εἶναι ἐξ οὗ ἀνθρώπων γένοσ ἐγένετο, προϊούσησ δὲ τῆσ χώρησ πολλοὺσ μὲν τοὺσ ὑπολειπομένουσ αὐτῶν γενέσθαι πολλοὺσ δὲ τοὺσ ὑποκαταβαίνοντασ.
τὸ δ’ ὦν πάλαι αἱ Θῆβαι Αἴγυπτοσ ἐκαλέετο, τῆσ τὸ περίμετρον στάδιοι εἰσὶ εἴκοσι καὶ ἑκατὸν καὶ ἑξακισχίλιοι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기