Herodotus, The Histories, book 2, chapter 172

(헤로도토스, The Histories, book 2, chapter 172)

Ἀπρίεω δὲ ὧδε καταραιρημένου ἐβασίλευσε Ἄμασισ, νομοῦ μὲν Σαί̈τεω ἐών, ἐκ τῆσ δὲ ἦν πόλιοσ, οὔνομά οἱ ἐστὶ Σιούφ. τὰ μὲν δὴ πρῶτα κατώνοντο τὸν Ἄμασιν Αἰγύπτιοι καὶ ἐν οὐδεμιῇ μοίρῃ μεγάλῃ ἦγον ἅτε δὴ δημότην τὸ πρὶν ἐόντα καὶ οἰκίησ οὐκ ἐπιφανέοσ·

μετὰ δὲ σοφίῃ αὐτοὺσ ὁ Ἄμασισ, οὐκ ἀγνωμοσύνῃ προσηγάγετο. ἦν οἱ ἄλλα τε ἀγαθὰ μυρία, ἐν δὲ καὶ ποδανιπτὴρ χρύσεοσ, ἐν τῷ αὐτόσ τε ὁ Ἄμασισ καὶ οἱ δαιτυμόνεσ οἱ πάντεσ τοὺσ πόδασ ἑκάστοτε ἐναπενίζοντο·

τοῦτον κατ’ ὦν κόψασ ἄγαλμα δαίμονοσ ἐξ αὐτοῦ ἐποιήσατο, καὶ ἵδρυσε τῆσ πόλιοσ ὅκου ἦν ἐπιτηδεότατον· οἱ δὲ Αἰγύπτιοι φοιτέοντεσ πρὸσ τὤγαλμα ἐσέβοντο μεγάλωσ. μαθὼν δὲ ὁ Ἄμασισ τὸ ἐκ τῶν ἀστῶν ποιεύμενον, συγκαλέσασ Αἰγυπτίουσ ἐξέφηνε φὰσ ἐκ τοῦ ποδανιπτῆροσ τὤγαλμα γεγονέναι, ἐσ τὸν πρότερον μὲν τοὺσ Αἰγυπτίουσ ἐνεμέειν τε καὶ ἐνουρέειν καὶ πόδασ ἐναπονίζεσθαι, τότε δὲ μεγάλωσ σέβεσθαι.

ἤδη ὦν ἔφη λέγων ὁμοίωσ αὐτὸσ τῷ ποδανιπτῆρι πεπρηγέναι·

εἰ γὰρ πρότερον εἶναι δημότησ, ἀλλ’ ἐν τῷ παρεόντι εἶναι αὐτῶν βασιλεύσ· καὶ τιμᾶν τε καὶ προμηθέεσθαι ἑωυτοῦ ἐκέλευε.

상위

The Histories

목록

일치하는 문장이 없습니다.

SEARCH

MENU NAVIGATION