헬라어 문장 검색 - ΗεροδόΤηεΗιστ́2́113́

(헤로도토스, The Histories, book 2, chapter 113)

ἔλεγον δέ μοι οἱ ἱρέεσ ἱστορέοντι τὰ περὶ Ἑλένην γενέσθαι ὧδε. Ἀλέξανδρον ἁρπάσαντα Ἑλένην ἐκ Σπάρτησ ἀποπλέειν ἐσ τὴν ἑωυτοῦ· καί μιν, ὡσ ἐγένετο ἐν τῷ Αἰγαίῳ, ἐξῶσται ἄνεμοι ἐκβάλλουσι ἐσ τὸ Αἰγύπτιον πέλαγοσ, ἐνθεῦτεν δέ, οὐ γὰρ ἀνιεῖ τὰ πνεύματα, ἀπικνέεται ἐσ Αἴγυπτον καὶ Αἰγύπτου ἐσ τὸ νῦν Κανωβικὸν καλεύμενον στόμα τοῦ Νείλου καὶ ἐσ Ταριχείασ. ἦν δὲ ἐπὶ τῆσ ἠιόνοσ τὸ καὶ νῦν ἐστι Ἡρακλέοσ ἱρόν, ἐσ τὸ ἢν καταφυγὼν οἰκέτησ ὅτευ ὦν ἀνθρώπων ἐπιβάληται στίγματα ἱρά, ἑωυτὸν διδοὺσ τῷ θεῷ, οὐκ ἔξεστι τούτου ἅψασθαι.

ὁ νόμοσ οὗτοσ διατελέει ἐὼν ὅμοιοσ μέχρι ἐμεῦ τῷ ἀπ’ ἀρχῆσ·

τοῦ ὦν δὴ Ἀλεξάνδρου ἀπιστέαται θεράποντεσ πυθόμενοι τὸν περὶ τὸ ἱρὸν ἔχοντα νόμον, ἱκέται δὲ ἱζόμενοι τοῦ θεοῦ κατηγόρεον τοῦ Ἀλεξάνδρου, βουλόμενοι βλάπτειν αὐτόν, πάντα λόγον ἐξηγεύμενοι ὡσ εἶχε περὶ τὴν Ἑλένην τε καὶ τὴν ἐσ Μενέλεων ἀδικίην· κατηγόρεον δὲ ταῦτα πρόσ τε τοὺσ ἱρέασ καὶ τὸν στόματοσ τούτου φύλακον, τῷ οὔνομα ἦν Θῶνισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 113

(헤로도토스, The Histories, book 2, chapter 113)

상위

목록

SEARCH

MENU NAVIGATION