Herodotus, The Histories, book 2, chapter 121B

(헤로도토스, The Histories, book 2, chapter 121B)

ὡσ δὲ τυχεῖν τὸν βασιλέα ἀνοίξαντα τὸ οἴκημα, θωμάσαι ἰδόντα τῶν χρημάτων καταδεᾶ τὰ ἀγγήια, οὐκ ἔχειν δὲ ὅντινα ἐπαιτιᾶται, τῶν τε σημάντρων ἐόντων σόων καὶ τοῦ οἰκήματοσ κεκληιμένου. ὡσ δὲ αὐτῷ καὶ δὶσ καὶ τρὶσ ἀνοίξαντι αἰεὶ ἐλάσσω φαίνεσθαι τὰ χρήματα τοὺσ γὰρ κλέπτασ οὐκ ἀνιέναι κεραί̈ζοντασ, ποιῆσαί μιν τάδε· πάγασ προστάξαι ἐργάσασθαι καὶ ταύτασ περὶ τὰ ἀγγήια ἐν τοῖσι τὰ χρήματα ἐνῆν στῆσαι. τῶν δὲ φωρῶν ὥσπερ ἐν τῷ πρὸ τοῦ χρόνῳ ἐλθόντων καὶ ἐσδύντοσ τοῦ ἑτέρου αὐτῶν, ἐπεὶ πρὸσ τὸ ἄγγοσ προσῆλθε, ἰθέωσ τῇ πάγῃ ἐνέχεσθαι.

ὡσ δὲ γνῶναι αὐτὸν ἐν οἱῴ κακῷ ἦν, ἰθέωσ καλέειν τὸν ἀδελφεὸν καὶ δηλοῦν αὐτῷ τὰ παρεόντα, καὶ κελεύειν τὴν ταχίστην ἐσδύντα ἀποταμεῖν αὐτοῦ τὴν κεφαλήν, ὅκωσ μὴ αὐτὸσ ὀφθεὶσ καὶ γνωρισθεὶσ ὃσ εἰή προσαπολέσῃ κἀκεῖνον. τῷ δὲ δόξαι εὖ λέγειν, καὶ ποιῆσαί μιν πεισθέντα ταῦτα, καὶ καταρμόσαντα τὸν λίθον ἀπιέναι ἐπ’ οἴκου, φέροντα τὴν κεφαλὴν τοῦ ἀδελφεοῦ.

상위

The Histories

목록

일치하는 문장이 없습니다.

SEARCH

MENU NAVIGATION