헬라어 텍스트

Herodotus, The Histories, book 2, chapter 123

(헤로도토스, The Histories, book 2, chapter 123)

τοῖσι μέν νυν ὑπ’ Αἰγυπτίων λεγομένοισι χράσθω ὅτεῳ τὰ τοιαῦτα πιθανά ἐστι· ἐμοὶ δὲ παρὰ πάντα τὸν λόγον ὑπόκειται ὅτι τὰ λεγόμενα ὑπ’ ἑκάστων ἀκοῇ γράφω. ἀρχηγετέειν δὲ τῶν κάτω Αἰγύπτιοι λέγουσι Δήμητρα καὶ Διόνυσον. πρῶτοι δὲ καὶ τόνδε τὸν λόγον Αἰγύπτιοι εἰσὶ οἱ εἰπόντεσ, ὡσ ἀνθρώπου ψυχὴ ἀθάνατοσ ἐστί, τοῦ σώματοσ δὲ καταφθίνοντοσ ἐσ ἄλλο ζῷον αἰεὶ γινόμενον ἐσδύεται, ἐπεὰν δὲ πάντα περιέλθῃ τὰ χερσαῖα καὶ τὰ θαλάσσια καὶ τὰ πετεινά, αὖτισ ἐσ ἀνθρώπου σῶμα γινόμενον ἐσδύνει·

τὴν περιήλυσιν δὲ αὐτῇ γίνεσθαι ἐν τρισχιλίοισι ἔτεσι. τούτῳ τῷ λόγῳ εἰσὶ οἳ Ἑλλήνων ἐχρήσαντο, οἳ μὲν πρότερον οἳ δὲ ὕστερον, ὡσ ἰδίῳ ἑωυτῶν ἐόντι·

τῶν ἐγὼ εἰδὼσ τὰ οὐνόματα οὐ γράφω.