Herodotus, The Histories, book 2, chapter 45

(헤로도토스, The Histories, book 2, chapter 45)

λέγουσι δὲ πολλὰ καὶ ἄλλα ἀνεπισκέπτωσ οἱ Ἕλληνεσ, εὐήθησ δὲ αὐτῶν καὶ ὅδε ὁ μῦθοσ ἐστὶ τὸν περὶ τοῦ Ἡρακλέοσ λέγουσι, ὡσ αὐτὸν ἀπικόμενον ἐσ Αἴγυπτον στέψαντεσ οἱ Αἰγύπτιοι ὑπὸ πομπῆσ ἐξῆγον ὡσ θύσοντεσ τῷ Διί· τὸν δὲ τέωσ μὲν ἡσυχίην ἔχειν, ἐπεὶ δὲ αὐτοῦ πρὸσ τῷ βωμῷ κατάρχοντο, ἐσ ἀλκὴν τραπόμενον πάντασ σφέασ καταφονεῦσαι. ἐμοὶ μέν νυν δοκέουσι ταῦτα λέγοντεσ τῆσ Αἰγυπτίων φύσιοσ καὶ τῶν νόμων πάμπαν ἀπείρωσ ἔχειν οἱ Ἕλληνεσ·

τοῖσι γὰρ οὐδὲ κτήνεα ὁσίη θύειν ἐστὶ χωρὶσ ὑῶν καὶ ἐρσένων βοῶν καὶ μόσχων, ὅσοι ἂν καθαροὶ ἐώσι, καὶ χηνῶν, κῶσ ἂν οὗτοι ἀνθρώπουσ θύοιεν; ἔτι δὲ ἕνα ἐόντα τὸν Ἡρακλέα καὶ ἔτι ἄνθρωπον, ὡσ δὴ φασί, κῶσ φύσιν ἔχει πολλὰσ μυριάδασ φονεῦσαι;

καὶ περὶ μὲν τούτων τοσαῦτα ἡμῖν εἰποῦσι καὶ παρὰ τῶν θεῶν καὶ παρὰ τῶν ἡρώων εὐμένεια εἰή.

상위

The Histories

목록

일치하는 문장이 없습니다.

SEARCH

MENU NAVIGATION