헬라어 문장 검색 - ΗεροδόΤηεΗιστ́2́049́

(헤로도토스, The Histories, book 2, chapter 49)

ἤδη ὦν δοκέει μοι Μελάμπουσ ὁ Ἀμυθέωνοσ τῆσ θυσίησ ταύτησ οὐκ εἶναι ἀδαὴσ ἀλλ’ ἔμπειροσ. Ἕλλησι γὰρ δὴ Μελάμπουσ ἐστὶ ὁ ἐξηγησάμενοσ τοῦ Διονύσου τό τε οὔνομα καὶ τὴν θυσίην καὶ τὴν πομπὴν τοῦ φαλλοῦ· ἀτρεκέωσ μὲν οὐ πάντα συλλαβὼν τὸν λόγον ἔφηνε, ἀλλ’ οἱ ἐπιγενόμενοι τούτῳ σοφισταὶ μεζόνωσ ἐξέφηναν· τὸν δ’ ὦν φαλλὸν τὸν τῷ Διονύσῳ πεμπόμενον Μελάμπουσ ἐστὶ ὁ κατηγησάμενοσ, καὶ ἀπὸ τούτου μαθόντεσ ποιεῦσι τὰ ποιεῦσι Ἕλληνεσ. ἐγὼ μέν νυν φημὶ Μελάμποδα γενόμενον ἄνδρα σοφὸν μαντικήν τε ἑωυτῷ συστῆσαι καὶ πυθόμενον ἀπ’ Αἰγύπτου ἄλλα τε πολλὰ ἐσηγήσασθαι Ἕλλησι καὶ τὰ περὶ τὸν Διόνυσον, ὀλίγα αὐτῶν παραλλάξαντα.

οὐ γὰρ δὴ συμπεσεῖν γε φήσω τά τε ἐν Αἰγύπτῳ ποιεύμενα τῷ θεῷ καὶ τὰ ἐν τοῖσι Ἕλλησι· ὁμότροπα γὰρ ἂν ἦν τοῖσι Ἕλλησι καὶ οὐ νεωστὶ ἐσηγμένα. οὐ μὲν οὐδὲ φήσω ὅκωσ Αἰγύπτιοι παρ’ Ἑλλήνων ἔλαβον ἢ τοῦτο ἢ ἄλλο κού τι νόμαιον.

πυθέσθαι δέ μοι δοκέει μάλιστα Μελάμπουσ τὰ περὶ τὸν Διόνυσον παρὰ Κάδμου τε τοῦ Τυρίου καὶ τῶν σὺν αὐτῷ ἐκ Φοινίκησ ἀπικομένων ἐσ τὴν νῦν Βοιωτίην καλεομένην χώρην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 2, chapter 49

(헤로도토스, The Histories, book 2, chapter 49)

상위

목록

SEARCH

MENU NAVIGATION