헬라어 문장 검색 - ΗεροδόΤηεΗιστ́2́068́

(헤로도토스, The Histories, book 2, chapter 68)

τῶν δὲ κροκοδείλων φύσισ ἐστὶ τοιήδε. τοὺσ χειμεριωτάτουσ μῆνασ τέσσερασ ἐσθίει οὐδέν, ἐὸν δὲ τετράπουν χερσαῖον καὶ λιμναῖον ἐστί. τίκτει μὲν γὰρ ᾠὰ ἐν γῇ καὶ ἐκλέπει, καὶ τὸ πολλὸν τῆσ ἡμέρησ διατρίβει ἐν τῷ ξηρῷ, τὴν δὲ νύκτα πᾶσαν ἐν τῷ ποταμῷ· θερμότερον γὰρ δή ἐστι τὸ ὕδωρ τῆσ τε αἰθρίησ καὶ τῆσ δρόσου. πάντων δὲ τῶν ἡμεῖσ ἴδμεν θνητῶν τοῦτο ἐξ ἐλαχίστου μέγιστον γίνεται·

τὰ μὲν γὰρ ᾠὰ χηνέων οὐ πολλῷ μέζονα τίκτει, καὶ ὁ νεοσσὸσ κατὰ λόγον τοῦ ᾠοῦ γίνεται, αὐξανόμενοσ δὲ γίνεται καὶ ἐσ ἑπτακαίδεκα πήχεασ καὶ μέζων ἔτι. ἔχει δὲ ὀφθαλμοὺσ μὲν ὑόσ, ὀδόντασ δὲ μεγάλουσ καὶ χαυλιόδοντασ κατὰ λόγον τοῦ σώματοσ.

γλῶσσαν δὲ μοῦνον θηρίων οὐκ ἔφυσε, οὐδὲ κινέει τὴν κάτω γνάθον, ἀλλὰ καὶ τοῦτο μοῦνον θηρίων τὴν ἄνω γνάθον προσάγει τῇ κάτω. ἔχει δὲ καὶ ὄνυχασ καρτεροὺσ καὶ δέρμα λεπιδωτὸν ἄρρηκτον ἐπὶ τοῦ νώτου.

τυφλὸν δὲ ἐν ὕδατι, ἐν δὲ τῇ αἰθρίῃ ὀξυδερκέστατον. ἅτε δὴ ὦν ἐν ὕδατι δίαιταν ποιεύμενον, τὸ στόμα ἔνδοθεν φονέει πᾶν μεστὸν βδελλέων. τὰ μὲν δὴ ἄλλα ὄρνεα καὶ θηρία φεύγει μιν, ὁ δὲ τροχίλοσ εἰρηναῖόν οἱ ἐστὶ ἅτε ὠφελεομένῳ πρὸσ αὐτοῦ· ἐπεὰν γὰρ ἐσ τὴν γῆν ἐκβῇ ἐκ τοῦ ὕδατοσ ὁ κροκόδειλοσ καὶ ἔπειτα χάνῃ ἐώθε γὰρ τοῦτο ὡσ ἐπίπαν ποιέειν πρὸσ τὸν ζέφυρον, ἐνθαῦτα ὁ τροχίλοσ ἐσδύνων ἐσ τὸ στόμα αὐτοῦ καταπίνει τὰσ βδέλλασ·

ὁ δὲ ὠφελεύμενοσ ἥδεται καὶ οὐδὲν σίνεται τὸν τροχίλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 68

(헤로도토스, The Histories, book 2, chapter 68)

상위

목록

SEARCH

MENU NAVIGATION