헬라어 문장 검색 - ΗεροδόΤηεΗιστ́2́096́

(헤로도토스, The Histories, book 2, chapter 96)

τὰ δὲ δὴ πλοῖά σφι, τοῖσι φορτηγέουσι, ἐστὶ ἐκ τῆσ ἀκάνθησ ποιεύμενα, τῆσ ἡ μορφὴ μὲν ἐστὶ ὁμοιοτάτη τῷ Κυρηναίῳ λωτῷ, τὸ δὲ δάκρυον κόμμι ἐστί. ἐκ ταύτησ ὦν τῆσ ἀκάνθησ κοψάμενοι ξύλα ὅσον τε διπήχεα πλινθηδὸν συντιθεῖσι ναυπηγεύμενοι τρόπον τοιόνδε· περὶ γόμφουσ πυκνοὺσ καὶ μακροὺσ περιείρουσι τὰ διπήχεα ξύλα·

ἐπεὰν δὲ τῷ τρόπῳ τούτῳ ναυπηγήσωνται, ζυγὰ ἐπιπολῆσ τείνουσι αὐτῶν· νομεῦσι δὲ οὐδὲν χρέωνται· ἔσωθεν δὲ τὰσ ἁρμονίασ ἐν ὦν ἐπάκτωσαν τῇ βύβλῳ. πηδάλιον δὲ ἓν ποιεῦνται, καὶ τοῦτο διὰ τῆσ τρόπιοσ διαβύνεται.

ἱστῷ δὲ ἀκανθίνῳ χρέωνται, ἱστίοισι δὲ βυβλίνοισι. ταῦτα τὰ πλοῖα ἀνὰ μὲν τὸν ποταμὸν οὐ δύναται πλέειν, ἢν μὴ λαμπρὸσ ἄνεμοσ ἐπέχῃ, ἐκ γῆσ δὲ παρέλκεται, κατὰ ῥόον δὲ κομίζεται ὧδε· ἔστι ἐκ μυρίκησ πεποιημένη θύρη, κατερραμμένη ῥιπὶ καλάμων, καὶ λίθοσ τετρημένοσ διτάλαντοσ μάλιστά κῃ σταθμόν·

τούτων τὴν μὲν θύρην δεδεμένην κάλῳ ἔμπροσθε τοῦ πλοίου ἀπιεῖ ἐπιφέρεσθαι, τὸν δὲ λίθον ἄλλῳ κάλῳ ὄπισθε. ἡ μὲν δὴ θύρη τοῦ ῥόου ἐμπίπτοντοσ χωρέει ταχέωσ καὶ ἕλκει τὴν βᾶριν τοῦτο γὰρ δὴ οὔνομα ἐστὶ τοῖσι πλοίοισι τούτοισι, ὁ δὲ λίθοσ ὄπισθε ἐπελκόμενοσ καὶ ἐὼν ἐν βυσσῷ κατιθύνει τὸν πλόον.

ἔστι δέ σφι τὰ πλοῖα ταῦτα πλήθεϊ πολλά, καὶ ἄγει ἔνια πολλὰσ χιλιάδασ ταλάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 96

(헤로도토스, The Histories, book 2, chapter 96)

상위

목록

SEARCH

MENU NAVIGATION