Herodotus, The Histories, book 2, chapter 13

(헤로도토스, The Histories, book 2, chapter 13)

ἔλεγον δὲ καὶ τόδε μοι μέγα τεκμήριον περὶ τῆσ χώρησ ταύτησ οἱ ἱρέεσ, ὡσ ἐπὶ Μοίριοσ βασιλέοσ, ὅκωσ ἔλθοι ὁ ποταμὸσ ἐπὶ ὀκτὼ πήχεασ τὸ ἐλάχιστον, ἄρδεσκε Αἴγυπτον τὴν ἔνερθε Μέμφιοσ· καὶ Μοίρι οὔκω ἦν ἔτεα εἰνακόσια τετελευτηκότι ὅτε τῶν ἱρέων ταῦτα ἐγὼ ἤκουον. νῦν δὲ εἰ μὴ ἐπ’ ἑκκαίδεκα ἢ πεντεκαίδεκα πήχεασ ἀναβῇ τὸ ἐλάχιστον ὁ ποταμόσ, οὐκ ὑπερβαίνει ἐσ τὴν χώρην. δοκέουσί τέ μοι Αἰγυπτίων οἱ ἔνερθε λίμνησ τῆσ Μοίριοσ οἰκέοντεσ τά τε ἄλλα χωρία καὶ τὸ καλεόμενον Δέλτα, ἢν οὕτω ἡ χώρη αὕτη κατὰ λόγον ἐπιδιδῷ ἐσ ὕψοσ καὶ τὸ ὅμοιον ἀποδιδῷ ἐσ αὔξησιν, μὴ κατακλύζοντοσ αὐτὴν τοῦ Νείλου πείσεσθαι τὸν πάντα χρόνον τὸν ἐπίλοιπον Αἰγύπτιοι τὸ κοτὲ αὐτοὶ Ἕλληνασ ἔφασαν πείσεσθαι.

πυθόμενοι γὰρ ὡσ ὑέται πᾶσα ἡ χώρη τῶν Ἑλλήνων ἀλλ’ οὐ ποταμοῖσι ἄρδεται κατά περ ἡ σφετέρη, ἔφασαν Ἕλληνασ ψευσθέντασ κοτὲ ἐλπίδοσ μεγάλησ κακῶσ πεινήσειν.

τὸ δὲ ἔποσ τοῦτο ἐθέλει λέγειν ὡσ, εἰ μὴ ἐθελήσει σφι ὑείν ὁ θεὸσ ἀλλὰ αὐχμῷ διαχρᾶσθαι, λιμῷ οἱ Ἕλληνεσ αἱρεθήσονται· οὐ γὰρ δή σφι ἐστὶ ὕδατοσ οὐδεμία ἄλλη ἀποστροφὴ ὅτι μὴ ἐκ τοῦ Διὸσ μοῦνον.

상위

The Histories

목록

일치하는 문장이 없습니다.

SEARCH

MENU NAVIGATION