Herodotus, The Histories, book 2, chapter 36

(헤로도토스, The Histories, book 2, chapter 36)

οἱ ἱρέεσ τῶν θεῶν τῇ μὲν ἄλλῃ κομέουσι, ἐν Αἰγύπτῳ δὲ ξυρῶνται. τοῖσι ἄλλοισι ἀνθρώποισι νόμοσ ἅμα κήδεϊ κεκάρθαι τὰσ κεφαλὰσ τοὺσ μάλιστα ἱκνέεται, Αἰγύπτιοι δὲ ὑπὸ τοὺσ θανάτουσ ἀνιεῖσι τὰσ τρίχασ αὔξεσθαι τάσ τε ἐν τῇ κεφαλῇ καὶ τῷ γενείῳ, τέωσ ἐξυρημένοι. τοῖσι μὲν ἄλλοισι ἀνθρώποισι χωρὶσ θηρίων ἡ δίαιτα ἀποκέκριται, Αἰγυπτίοισι δὲ ὁμοῦ θηρίοισι ἡ δίαιτα ἐστί.

ἀπὸ πυρῶν καὶ κριθέων ὧλλοι ζώουσι, Αἰγυπτίων δὲ τῷ ποιευμένῳ ἀπὸ τούτων τὴν ζόην ὄνειδοσ μέγιστον ἐστί, ἀλλὰ ἀπὸ ὀλυρέων ποιεῦνται σιτία, τὰσ ζειὰσ μετεξέτεροι καλέουσι. φυρῶσι τὸ μὲν σταῖσ τοῖσι ποσί, τὸν δὲ πηλὸν τῇσι χερσί, καὶ τὴν κόπρον ἀναιρέονται.

τὰ αἰδοῖα ὧλλοι μὲν ἐῶσι ὡσ ἐγένοντο, πλὴν ὅσοι ἀπὸ τούτων ἔμαθον, Αἰγύπτιοι δὲ περιτάμνονται. εἵματα τῶν μὲν ἀνδρῶν ἕκαστοσ ἔχει δύο, τῶν δὲ γυναικῶν ἓν ἑκάστη. τῶν ἱστίων τοὺσ κρίκουσ καὶ τοὺσ κάλουσ οἱ μὲν ἄλλοι ἔξωθεν προσδέουσι, Αἰγύπτιοι δὲ ἔσωθεν.

γράμματα γράφουσι καὶ λογίζονται ψήφοισι Ἕλληνεσ μὲν ἀπὸ τῶν ἀριστερῶν ἐπὶ τὰ δεξιὰ φέροντεσ τὴν χεῖρα, Αἰγύπτιοι δὲ ἀπὸ τῶν δεξιῶν ἐπὶ τὰ ἀριστερά· καὶ ποιεῦντεσ ταῦτα αὐτοὶ μὲν φασὶ ἐπὶ δεξιὰ ποιέειν, Ἕλληνασ δὲ ἐπ’ ἀριστερά. διφασίοισι δὲ γράμμασι χρέωνται, καὶ τὰ μὲν αὐτῶν ἱρὰ τὰ δὲ δημοτικὰ καλέεται.

상위

The Histories

목록

일치하는 문장이 없습니다.

SEARCH

MENU NAVIGATION