헬라어 문장 검색 - ΗεροδόΤηεΗιστ́2́091́

(헤로도토스, The Histories, book 2, chapter 91)

ἑλληνικοῖσι δὲ νομαίοισι φεύγουσι χρᾶσθαι, τὸ δὲ σύμπαν εἰπεῖν, μηδ’ ἄλλων μηδαμὰ μηδαμῶν ἀνθρώπων νομαίοισι. οἱ μέν νυν ἄλλοι Αἰγύπτιοι οὕτω τοῦτο φυλάσσουσι, ἔστι δὲ Χέμμισ πόλισ μεγάλη νομοῦ τοῦ Θηβαϊκοῦ ἐγγὺσ Νέησ πόλιοσ· ἐν ταύτῃ τῇ πόλι ἐστὶ Περσέοσ τοῦ Δανάησ ἱρὸν τετράγωνον, πέριξ δὲ αὐτοῦ φοίνικεσ πεφύκασι.

τὰ δὲ πρόπυλα τοῦ ἱροῦ λίθινα ἐστὶ κάρτα μεγάλα· ἐπὶ δὲ αὐτοῖσι ἀνδριάντεσ δύο ἑστᾶσι λίθινοι μεγάλοι. ἐν δὲ τῷ περιβεβλημένῳ τούτῳ νηόσ τε ἔνι καὶ ἄγαλμα ἐν αὐτῷ ἐνέστηκε τοῦ Περσέοσ. οὗτοι οἱ Χεμμῖται λέγουσι τὸν Περσέα πολλάκισ μὲν ἀνὰ τὴν γῆν φαίνεσθαί σφι πολλάκισ δὲ ἔσω τοῦ ἱροῦ, σανδάλιόν τε αὐτοῦ πεφορημένον εὑρίσκεσθαι ἐὸν τὸ μέγαθοσ δίπηχυ, τὸ ἐπεὰν φανῇ, εὐθηνέειν ἅπασαν Αἴγυπτον.

ταῦτα μὲν λέγουσι, ποιεῦσι δὲ τάδε Ἑλληνικὰ τῷ Περσέι·

ἀγῶνα γυμνικὸν τιθεῖσι διὰ πάσησ ἀγωνίησ ἔχοντα, παρέχοντεσ ἀέθλα κτήνεα καὶ χλαίνασ καὶ δέρματα. εἰρομένου δέ μευ ὅ τι σφι μούνοισι ἐώθε ὁ Περσεὺσ ἐπιφαίνεσθαι καὶ ὅ τι κεχωρίδαται Αἰγυπτίων τῶν ἄλλων ἀγῶνα γυμνικὸν τιθέντεσ, ἔφασαν τὸν Περσέα ἐκ τῆσ ἑωυτῶν πόλιοσ γεγονέναι·

τὸν γὰρ Δαναὸν καὶ τὸν Λυγκέα ἐόντασ Χεμμίτασ ἐκπλῶσαι ἐσ τὴν Ἑλλάδα, ἀπὸ δὲ τούτων γενεηλογέοντεσ κατέβαινον ἐσ τὸν Περσέα. ἀπικόμενον δὲ αὐτὸν ἐσ Αἴγυπτον κατ’ αἰτίην τὴν καὶ Ἕλληνεσ λέγουσι, οἴσοντα ἐκ Λιβύησ τὴν Γοργοῦσ κεφαλήν, ἔφασαν ἐλθεῖν καὶ παρὰ σφέασ καὶ ἀναγνῶναι τοὺσ συγγενέασ πάντασ·

ἐκμεμαθηκότα δέ μιν ἀπικέσθαι ἐσ Αἴγυπτον τὸ τῆσ Χέμμιοσ οὔνομα, πεπυσμένον παρὰ τῆσ μητρόσ. ἀγῶνα δέ οἱ γυμνικὸν αὐτοῦ κελεύσαντοσ ἐπιτελέειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 91

(헤로도토스, The Histories, book 2, chapter 91)

상위

목록

SEARCH

MENU NAVIGATION