헬라어 문장 검색 - ΗεροδόΤηεΗιστ́2́038́

(헤로도토스, The Histories, book 2, chapter 38)

τοὺσ δὲ βοῦσ τοὺσ ἔρσενασ τοῦ Ἐπάφου εἶναι νομίζουσι, καὶ τούτου εἵνεκα δοκιμάζουσι αὐτοὺσ ὧδε· τρίχα ἢν καὶ μίαν ἴδηται ἐπεοῦσαν μέλαιναν, οὐ καθαρὸν εἶναι νομίζει. δίζηται δὲ ταῦτα ἐπὶ τούτῳ τεταγμένοσ τῶν τισ ἱρέων καὶ ὀρθοῦ ἑστεῶτοσ τοῦ κτήνεοσ καὶ ὑπτίου, καὶ τὴν γλῶσσαν ἐξειρύσασ, εἰ καθαρὴ τῶν προκειμένων σημηίων, τὰ ἐγὼ ἐν ἄλλῳ λόγῳ ἐρέω·

κατορᾷ δὲ καὶ τὰσ τρίχασ τῆσ οὐρῆσ εἰ κατὰ φύσιν ἔχει πεφυκυίασ. ἢν δὲ τούτων πάντων ᾖ καθαρόσ, σημαίνεται βύβλῳ περὶ τὰ κέρεα εἱλίσσων καὶ ἔπειτα γῆν σημαντρίδα ἐπιπλάσασ ἐπιβάλλει τὸν δακτύλιον, καὶ οὕτω ἀπάγουσι.

ἀσήμαντον δὲ θύσαντι θάνατοσ ἡ ζημίη ἐπικέεται. δοκιμάζεται μέν νυν τὸ κτῆνοσ τρόπῳ τοιῷδε, θυσίη δέ σφι ἥδε κατέστηκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 38

(헤로도토스, The Histories, book 2, chapter 38)

상위

목록

SEARCH

MENU NAVIGATION