헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 105)

ἐπ’ ἄρχοντοσ δ’ Ἀθήνησι Σιμωνίδου Ῥωμαῖοι μὲν ὑπάτουσ κατέστησαν Μάρκον Οὐαλλέριον καὶ Πόπλιον Δέκιον. ἐπὶ δὲ τούτων οἱ περὶ Κάσανδρον καὶ Πτολεμαῖον καὶ Λυσίμαχον διαλύσεισ ἐποιήσαντο πρὸσ Ἀντίγονον καὶ συνθήκασ ἔγραψαν. ἐν δὲ ταύταισ ἦν Κάσανδρον μὲν εἶναι στρατηγὸν τῆσ Εὐρώπησ, μέχρι ἂν Ἀλέξανδροσ ὁ ἐκ Ῥωξάνησ εἰσ ἡλικίαν ἔλθῃ, καὶ Λυσίμαχον μὲν τῆσ Θρᾴκησ κυριεύειν, Πτολεμαῖον δὲ τῆσ Αἰγύπτου καὶ τῶν συνοριζουσῶν ταύτῃ πόλεων κατά τε τὴν Λιβύην καὶ τὴν Ἀραβίαν, Ἀντίγονον δὲ ἀφηγεῖσθαι τῆσ Ἀσίασ πάσησ, τοὺσ δὲ Ἕλληνασ αὐτονόμουσ εἶναι. οὐ μὴν ἐνέμεινάν γε ταῖσ ὁμολογίαισ ταύταισ, ἀλλ’ ἕκαστοσ αὐτῶν προφάσεισ εὐλόγουσ ποριζόμενοσ πλεονεκτεῖν ἐπειρᾶτο. Κάσανδροσ δὲ ὁρῶν Ἀλέξανδρον τὸν ἐκ Ῥωξάνησ αὐξόμενον καὶ κατὰ τὴν Μακεδονίαν λόγουσ ὑπό τινων διαδιδομένουσ ὅτι καθήκει προάγειν ἐκ τῆσ φυλακῆσ τὸν παῖδα καὶ τὴν πατρῴαν βασιλείαν παραδοῦναι, φοβηθεὶσ ὑπὲρ ἑαυτοῦ προσέταξε Γλαυκίᾳ τῷ προεστηκότι τῆσ τοῦ παιδὸσ φυλακῆσ τὴν μὲν Ῥωξάνην καὶ τὸν βασιλέα κατασφάξαι καὶ κρύψαι τὰ σώματα, τὸ δὲ γεγονὸσ μηδενὶ τῶν ἄλλων ἀπαγγεῖλαι.

ποιήσαντοσ δ’ αὐτοῦ τὸ προσταχθὲν οἱ περὶ Κάσανδρον καὶ Λυσίμαχον καὶ Πτολεμαῖον, ἔτι δ’ Ἀντίγονον ἀπηλλάγησαν τῶν ἀπὸ τοῦ βασιλέωσ προσδοκωμένων φόβων·

οὐκέτι γὰρ ὄντοσ οὐδενὸσ τοῦ διαδεξομένου τὴν ἀρχὴν τὸ λοιπὸν ἕκαστοσ τῶν κρατούντων ἐθνῶν ἢ πόλεων βασιλικὰσ εἶχεν ἐλπίδασ καὶ τὴν ὑφ’ ἑαυτὸν τεταγμένην χώραν εἶχεν ὡσανεί τινα βασιλείαν δορίκτητον.

τὰ μὲν οὖν κατὰ τὴν Ἀσίαν καὶ τὴν Εὐρώπην καὶ τὰ περὶ τὴν Ἑλλάδα καὶ Μακεδονίαν ἐν τούτοισ ἦν. κατὰ δὲ τὴν Ἰταλίαν Ῥωμαῖοι δυνάμεσιν ἁδραῖσ πεζῶν τε καὶ ἱππέων ἐστράτευσαν ἐπὶ Πολλίτιον, Μαρρουκίνων οὖσαν πόλιν.

ἀπέστειλαν δὲ καὶ τῶν πολιτῶν εἰσ ἀποικίαν καὶ κατῴκισαν τὴν προσαγορευομένην Ἰντέραμναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 105

(디오도로스 시켈로스, Bibliotheca Historica, Books XVIII-XX, book 19, chapter 105)

상위

목록

SEARCH

MENU NAVIGATION