헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 9)

μετὰ δὲ ταῦτα συναγαγὼν ἐκκλησίαν κατηγόρησε μὲν τῶν ἑξακοσίων καὶ τῆσ ὑπ’ αὐτῶν προγεγενημένησ ὀλιγαρχίασ, καθαρὰν δὲ φήσασ τὴν πόλιν πεποιηκέναι τῶν δυναστεύειν ἐπιχειρούντων ἀπεφαίνετο τῷ δήμῳ τὴν αὐτονομίαν εἰλικρινῆ παραδιδόναι καὶ βούλεσθαί ποτε τῶν πόνων ἀπολυθεὶσ ἰδιωτεύειν ἴσοσ ὢν πᾶσι. καὶ ταῦτα λέγων τὸ μὲν χλαμύδιον αὑτοῦ περιέσπασε, τὸ δ’ ἱμάτιον μεταλαβὼν ἀπῄει, τῶν πολλῶν ἑαυτὸν ἀποδείξασ ἕνα.

ταῦτα δ’ ἔπραττε τὸν δημοτικὸν ὑποκρινόμενοσ καὶ σαφῶσ εἰδὼσ τοὺσ πλείουσ τῶν ἐκκλησιαζόντων μετεσχηκότασ τῶν ἀσεβημάτων καὶ διὰ τοῦτο μηδέποτ’ ἂν βουληθέντασ ἄλλῳ τὴν στρατηγίαν ἐγχειρίσαι. εὐθὺ γοῦν οἱ διαπεφορηκότεσ τὰ τῶν ἠτυχηκότων ἐβόων μὴ καταλιπεῖν ἑαυτούσ, ἀλλὰ προσδέξασθαι τὴν τῶν ὅλων ἐπιμέλειαν.

ὁ δὲ τὸ μὲν πρῶτον ἡσυχίαν εἶχεν, εἶτα τοῦ πλήθουσ βιαιότερον ἐγκειμένου προσδέξασθαι μὲν ἔφησε τὴν στρατηγίαν, μὴ μέντοι γε μετ’ ἄλλων ἄρξειν· οὐ γὰρ ὑπομενεῖν, ὧν ἂν ἕτεροι παρανομήσωσι, τούτων αὐτὸν συνάρχοντα λόγον ἀποδιδόναι κατὰ τοὺσ νόμουσ.

συγχωρήσαντοσ δὲ τοῦ πλήθουσ μοναρχεῖν οὗτοσ μὲν ἐχειροτονήθη στρατηγὸσ αὐτοκράτωρ καὶ τὸ λοιπὸν φανερῶσ ἐδυνάστευε καὶ τῆσ πόλεωσ ἐπιμέλειαν ἐποιεῖτο, τῶν δ’ ἀκεραίων Συρακοσίων οἱ μὲν διὰ τὸν φόβον ἠναγκάζοντο καρτερεῖν, οἱ δ’ ὑπὸ τοῦ πλήθουσ κατισχυόμενοι τὴν ἔχθραν εἰσ κενὸν οὐκ ἐτόλμων ἐνδείκνυσθαι. πολλοὶ δὲ καὶ τῶν ἀπόρων καὶ κατάχρεων ἄσμενοι τὴν μεταβολὴν προσεδέξαντο·

ἐπηγγέλλετο γὰρ Ἀγαθοκλῆσ κατὰ τὴν ἐκκλησίαν καὶ χρεῶν ἀποκοπὰσ ποιήσεσθαι καὶ τοῖσ πένησι χώραν δωρήσεσθαι. ἀπὸ δὲ τούτων γενόμενοσ τοῦ μὲν ἔτι φονεύειν ἢ κολάζειν τινὰσ ἀπέστη, μεταβαλόμενοσ δ’ εἰσ τοὐναντίον εὐγνωμόνωσ τοῖσ πλήθεσι προσεφέρετο καὶ πολλοὺσ μὲν εὐεργετῶν, οὐκ ὀλίγουσ δ’ ἐπαγγελίαισ μετεωρίζων, πάντασ δὲ λόγοισ φιλανθρώποισ δημαγωγῶν οὐ μετρίασ ἀποδοχῆσ ἐτύγχανεν.

ἔχων δὲ τηλικαύτην δυναστείαν οὔτε διάδημα ἀνέλαβεν οὔτε δορυφόρουσ εἶχεν οὔτε δυσεντευξίαν ἐζήλωσεν, ἅπερ εἰώθασι ποιεῖν σχεδὸν ἅπαντεσ οἱ τύραννοι.

ἐπεμελήθη δὲ καὶ τῶν προσόδων καὶ τῆσ τῶν ὅπλων καὶ βελῶν παρασκευῆσ, ἔτι δὲ πρὸσ ταῖσ ὑπαρχούσαισ μακραῖσ ναυσὶν ἑτέρασ ἐναυπηγήσατο. προσελάβετο δὲ καὶ τῶν ἐν τῇ μεσογείῳ χωρίων καὶ πόλεων τὰσ πλείστασ. καὶ τὰ μὲν κατὰ Σικελίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 9

(디오도로스 시켈로스, Bibliotheca Historica, Books XVIII-XX, book 19, chapter 9)

상위

목록

SEARCH

MENU NAVIGATION