헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 66)

τοῦ δ’ ἔτουσ τούτου διελθόντοσ Ἀθήνησι μὲν ἦρχε Νικόδωροσ, ἐν Ῥώμῃ δ’ ἦσαν ὕπατοι Λεύκιοσ Παπείριοσ τὸ τέταρτον καὶ Κόιντοσ Πόπλιοσ τὸ δεύτερον. ἐπὶ δὲ τούτων Ἀριστόδημοσ μὲν ὁ κατασταθεὶσ ὑπ’ Ἀντιγόνου στρατηγὸσ ὡσ ἐπύθετο τὴν Ἀλεξάνδρου τοῦ Πολυπέρχοντοσ ἀπόστασιν, ἐπὶ τοῦ κοινοῦ τῶν Αἰτωλῶν δικαιολογησάμενοσ προετρέψατο τὰ πλήθη βοηθεῖν τοῖσ Ἀντιγόνου πράγμασιν, αὐτὸσ δὲ μετὰ τῶν μισθοφόρων διαβὰσ ἐκ τῆσ Αἰτωλίασ εἰσ Πελοπόννησον κατέλαβεν Ἀλέξανδρόν τε καὶ τοὺσ Ἠλείουσ πολιορκοῦντασ τὴν Κυλλήνην, εὐκαίρωσ δὲ τοῖσ κινδυνεύουσιν ἐπιφανεὶσ ἔλυσε τὴν πολιορκίαν.

καταλιπὼν δ’ ἐνταῦθα τοὺσ παρεξομένουσ τῷ φρουρίῳ τὴν ἀσφάλειαν ἀνέζευξεν εἰσ τὴν Ἀχαϊάν καὶ Πάτρασ μὲν ἠλευθέρωσε φρουρουμένασ ὑπὸ τῶν Κασάνδρου στρατιωτῶν, Αἴγιον δὲ ἐκπολιορκήσασ τῆσ τε φρουρᾶσ ἐκυρίευσε καὶ τοῖσ Αἰγιεῦσι κατὰ δόγμα τὴν ἐλευθερίαν βουλόμενοσ ἀποκαταστῆσαι διὰ ταύτην τὴν περίστασιν ἐκωλύθη·

τῶν γὰρ στρατιωτῶν τραπέντων πρὸσ ἁρπαγὴν πολλοὶ μὲν ἀπεσφάγησαν τῶν Αἰγιέων, πλεῖσται δὲ τῶν οἰκιῶν διεφθάρησαν. μετὰ δὲ ταῦτα διαπλεύσαντοσ εἰσ Αἰτωλίαν αὐτοῦ Δυμαῖοι, φρουρὰν ἔχοντεσ παρὰ Κασάνδρου, διετείχισαν τὴν πόλιν, ὥστε κατ’ ἰδίαν οὖσαν ἀπὸ τῆσ ἀκροπόλεωσ διεζεῦχθαι.

τὴν ἄκραν καὶ συνεχεῖσ προσβολὰσ ἐποιοῦντο ἃ δὴ πυθόμενοσ ὁ Ἀλέξανδροσ ἧκεν μετὰ δυνάμεωσ καὶ βιασάμενοσ ἐντὸσ τοῦ τείχουσ ἐκυρίευσε τῆσ πόλεωσ, τῶν δὲ Δυμαίων τοὺσ μὲν ἀπέσφαξεν, τοὺσ δ’ εἰσ φυλακὴν ἀπέθετο, πολλοὺσ δὲ ἐφυγάδευσεν.

οἱ δὲ περιλειφθέντεσ ἀπαλλαγέντοσ ἐκ τῆσ πόλεωσ Ἀλεξάνδρου χρόνον μέν τινα τὴν ἡσυχίαν ἦγον, καταπεπληγμένοι τὸ μέγεθοσ τῆσ συμφορᾶσ, ἅμα δὲ καὶ συμμάχων ὄντεσ ἔρημοι·

μετὰ δέ τινα χρόνον ἐξ Αἰγίου τοὺσ Ἀριστοδήμου μισθοφόρουσ μεταπεμψάμενοι πάλιν ἐπέθεντο τῇ φρουρᾷ καὶ κυριεύσαντεσ τῆσ ἄκρασ τὴν μὲν πόλιν ἠλευθέρωσαν, τῶν δὲ καταλειφθέντων τοὺσ πλείστουσ ἀποσφάξαντεσ συνανεῖλαν καὶ τῶν ἰδίων πολιτῶν ὅσοι πρὸσ Ἀλέξανδρον εἶχον φιλίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 66

(디오도로스 시켈로스, Bibliotheca Historica, Books XVIII-XX, book 19, chapter 66)

상위

목록

SEARCH

MENU NAVIGATION