헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 74)

ὁ δ’ Ἀντίγονοσ ἀποτυχὼν ταύτησ τῆσ ἐπιβολῆσ ἐξέπεμψε Τελεσφόρον εἰσ Πελοπόννησον, δοὺσ αὐτῷ πεντήκοντα ναῦσ καὶ στρατιώτασ τοὺσ ἱκανούσ, καὶ τὰσ πόλεισ ἐλευθεροῦν ἐνετείλατο· τοῦτο γὰρ πράξασ ἤλπιζε πίστιν κατασκευάζειν παρὰ τοῖσ Ἕλλησιν ὅτι πρὸσ ἀλήθειαν φροντίζει τῆσ αὐτονομίασ αὐτῶν, καὶ ἅμα γινώσκειν ὑπέλαβε τὰ Κασάνδρου πράγματα. ὁ δὲ Τελεσφόροσ ἐπειδὴ τάχιστα κατέπλευσεν εἰσ τὴν Πελοπόννησον, ἐπῆλθε τὰσ ὑπ’ Ἀλεξάνδρου φρουρουμένασ πόλεισ καὶ πάσασ ἠλευθέρωσε πλὴν Σικυῶνοσ καὶ Κορίνθου·

ἐν ταύταισ γὰρ Πολυπέρχων διέτριβεν δυνάμεισ ἁδρὰσ ἔχων καὶ πιστεύων ταύταισ τε καὶ ταῖσ τῶν τόπων ὀχυρότησιν. ἅμα δὲ τούτοισ πραττομένοισ Φίλιπποσ ὑπὸ Κασάνδρου πεμφθεὶσ στρατηγὸσ εἰσ τὸν πρὸσ Αἰτωλοὺσ πόλεμον ὡσ τάχισθ’ ἧκεν εἰσ τὴν Ἀκαρνανίαν μετὰ τῆσ δυνάμεωσ, τὸ μὲν πρῶτον ἐπεχείρει λεηλατεῖν τὴν Αἰτωλίαν, μετ’ ὀλίγον δὲ πυθόμενοσ Αἰακίδην τὸν Ἠπειρώτην εἰσ τὴν βασιλείαν κατεληλυθότα καὶ δύναμιν ἁδρὰν συνηθροικότα ταχέωσ ὡρ́μησεν ἐπ’ αὐτόν·

ἔσπευδε γὰρ κατ’ ἰδίαν διαγωνίσασθαι πρὶν ἢ συμμίξαι τὴν τῶν Αἰτωλῶν δύναμιν. εὑρὼν δὲ τοὺσ Ἠπειρώτασ ἑτοίμουσ εἰσ μάχην ἐξ ἐφόδου συνῆψεν εἰσ χεῖρασ καὶ πολλοὺσ μὲν ἀνεῖλεν, οὐκ ὀλίγουσ δ’ ἐζώγρησεν, ἐν οἷσ συνέβαινεν εἶναι καὶ τῶν αἰτίων τῆσ τοῦ βασιλέωσ καθόδου περὶ πεντήκοντα τὸν ἀριθμόν, οὓσ δήσασ ἀπέστειλε πρὸσ Κάσανδρον.

τῶν δὲ περὶ τὸν Αἰακίδην ἀθροισθέντων ἐκ τῆσ φυγῆσ καὶ τοῖσ Αἰτωλοῖσ συμμιξάντων πάλιν ἐπελθὼν ὁ Φίλιπποσ μάχῃ ἐκράτησεν καὶ πολλοὺσ ἀνεῖλεν, ἐν οἷσ ἦν καὶ Αἰακίδησ ὁ βασιλεύσ.

ἐν ὀλίγαισ δ’ ἡμέραισ τηλικαῦτα ποιήσασ προτερήματα κατεπλήξατο πολλοὺσ τῶν Αἰτωλῶν ἐπὶ τοσοῦτον ὥστε τὰσ ἀνοχύρουσ πόλεισ ἐκλιπεῖν, εἰσ δὲ τὰ δυσβατώτατα τῶν ὀρῶν συμφυγεῖν μετὰ τέκνων καὶ γυναικῶν.

καὶ τὰ μὲν περὶ τὴν Ἑλλάδα πραχθέντα τοιοῦτον ἔσχε τὸ τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 74

(디오도로스 시켈로스, Bibliotheca Historica, Books XVIII-XX, book 19, chapter 74)

상위

목록

SEARCH

MENU NAVIGATION