헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 3)

Δάμασ γάρ τισ τῶν ἐνδόξων ἀριθμούμενοσ ἐν Συρακούσσαισ ἐρωτικῶσ διετέθη πρὸσ τὸν Ἀγαθοκλέα καὶ τὸ μὲν πρῶτον δαψιλῶσ ἅπαντα χορηγῶν αἴτιοσ ἐγένετο σύμμετρον αὐτὸν οὐσίαν συλλέξασθαι, μετὰ δὲ ταῦτα αἱρεθεὶσ ἐπ’ Ἀκράγαντα στρατηγόσ, ἐπειδὴ τῶν χιλιάρχων τισ ἀπέθανεν, τοῦτον εἰσ τὸν ἐκείνου τόπον κατέστησεν. ὁ δὲ καὶ πρὸ τῆσ στρατείασ μὲν ἦν πολύσεμνοσ διὰ τὸ μέγεθοσ τῶν ὅπλων·

ἐπετήδευσε γὰρ ἐν ταῖσ ἐξοπλασίαισ φορεῖν πανοπλίαν τηλικαύτην τὸ μέγεθοσ ὥστε μηδένα τῶν ἄλλων δύνασθαι ῥᾳδίωσ χρῆσθαι τῷ βάρει τῶν ὅπλων· πολὺ δ’ ἔτι μᾶλλον γενόμενοσ χιλίαρχοσ περιεποιήσατο δόξαν, φιλοκίνδυνοσ μὲν ὢν καὶ παράβολοσ ἐν ταῖσ μάχαισ, ἰταμὸσ δὲ καὶ πρόχειροσ ἐν ταῖσ δημηγοίαισ. τοῦ δὲ Δάμαντοσ νόσῳ τελευτήσαντοσ καὶ τὴν οὐσίαν καταλιπόντοσ τῇ γυναικὶ ταύτην ἔγημε καὶ τῶν πλουσιωτάτων εἷσ ἠριθμεῖτο. μετὰ δὲ ταῦτα Κροτωνιάταισ πολιορκουμένοισ ὑπὸ Βρεττίων οἱ Συρακόσιοι δύναμιν ἁδρὰν ἔπεμψαν, ἧσ ἐστρατήγει μὲν μεθ’ ἑτέρων Ἄντανδροσ ὁ Ἀγαθοκλέουσ ἀδελφόσ, τῶν δ’ ὅλων εἶχε τὴν ἡγεμονίαν Ἡρακλείδησ καὶ Σώστρατοσ, ἄνδρεσ ἐν ἐπιβουλαῖσ καὶ φόνοισ καὶ μεγάλοισ ἀσεβήμασι γεγονότεσ τὸν πλείω τοῦ βίου·

περὶ ὧν τὰ κατὰ μέροσ ἡ πρὸ ταύτησ περιέχει βύβλοσ. συνεστρατεύετο δ’ αὐτοῖσ καὶ Ἀγαθοκλῆσ, ἐγνωσμένοσ ὑπὸ τοῦ δήμου καὶ τεταγμένοσ ἐπὶ χιλιαρχικῆσ ἡγεμονίασ, ὃσ τὸ μὲν πρῶτον ἐν ταῖσ πρὸσ τοὺσ βαρβάρουσ μάχαισ γενόμενοσ κράτιστοσ ὑπὸ τῶν περὶ Σώστρατον ἀφῃρέθη τὴν τῶν ἀριστείων τιμὴν διὰ τὸν φθόνον.

ἐφ’ οἷσ περιαλγὴσ γενόμενοσ αὐτοὺσ ὡσ διεγνωκότασ ἐπιθέσθαι τυραννίδι κατηγόρησεν ἐν τῷ δήμῳ.

οὐ προσεχόντων δὲ τῶν Συρακοσίων ταῖσ διαβολαῖσ οἱ μὲν περὶ Σώστρατον ἐδυνάστευσαν τῆσ πατρίδοσ μετὰ τὴν ἐκ Κρότωνοσ ἐπάνοδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 3

(디오도로스 시켈로스, Bibliotheca Historica, Books XVIII-XX, book 19, chapter 3)

상위

목록

SEARCH

MENU NAVIGATION