Diodorus Siculus, Bibliotheca Historica, Books XVIII-XX, book 19, chapter 8

(디오도로스 시켈로스, Bibliotheca Historica, Books XVIII-XX, book 19, chapter 8)

οὐκ ἂν τὴν τῶν πασχόντων τύχην ἐλεήσειεν. πᾶσαι μὲν γὰρ αἱ πύλαι τῆσ πόλεωσ ἐκλείσθησαν, πλείουσ δὲ τῶν τετρακισχιλίων ἀνῃρέθησαν αὐθημερόν, τοῦτο μόνον ἐγκληθέντεσ ὅτι χαριέστεροι τῶν ἄλλων ἦσαν. τῶν δὲ φυγόντων οἱ μὲν ἐπὶ τὰσ πύλασ ὁρμήσαντεσ συνελήφθησαν, οἱ δὲ κατὰ τῶν τειχῶν ῥίπτοντεσ αὑτοὺσ εἰσ τὰσ ἀστυγείτονασ πόλεισ διεσώθησαν, τινὲσ δὲ διὰ τὸν φόβον ἀπρονοήτωσ ἁλλόμενοι κατεκρημνίσθησαν. τὸ δὲ πλῆθοσ ἦν τῶν ἐκπεσόντων ἐκ τῆσ πατρίδοσ ὑπὲρ τοὺσ ἑξακισχιλίουσ, ὧν οἱ πλεῖστοι κατέφυγον πρὸσ τοὺσ Ἀκραγαντίνουσ κἀκεῖ τῆσ καθηκούσησ ἐπιμελείασ ἠξιώθησαν.

οἱ δὲ περὶ τὸν Ἀγαθοκλέα διημερεύσαντεσ ἐν τοῖσ τῶν πολιτῶν φόνοισ οὐδὲ τῆσ εἰσ γυναῖκασ ὕβρεωσ καὶ παρανομίασ ἀπέσχοντο, ἀλλὰ παρὰ τῶν ἐκπεφευγότων τὸν θάνατον ἱκανὴν ὑπελάμβανον λήψεσθαι τιμωρίαν τὴν εἰσ τοὺσ συγγενεῖσ ἐπήρειαν·

δεινότερα γὰρ θανάτου τοὺσ μὲν ἄνδρασ καὶ πατέρασ εἰκὸσ ἦν πείσεσθαι γυναικῶν ὕβρεισ καὶ παρθένων αἰσχύνασ ἀναλογιζομένουσ. ἀφ’ ὧν ἡμῖν περιαιρετέον ἐστὶ τὴν ἐπίθετον καὶ συνήθη τοῖσ συγγραφεῦσι τραγῳδίαν, μάλιστα μὲν διὰ τὸν τῶν παθόντων ἔλεον, ἔπειτα καὶ διὰ τὸ μηθένα τῶν ἀναγινωσκόντων ἐπιζητεῖν ἀκοῦσαι τὰ κατὰ μέροσ, ἐν ἑτοίμῳ τῆσ γνώσεωσ οὔσησ.

οἱ γὰρ μεθ’ ἡμέραν ἐν ταῖσ ὁδοῖσ καὶ κατὰ τὴν ἀγορὰν σφάττειν τολμῶντεσ τοὺσ μηδὲν ἀδικοῦντασ οὐ προσδέονται τοῦ δηλώσοντοσ τί νύκτωρ ἔπραττον καθ’ αὑτοὺσ ἐν ταῖσ οἰκίαισ καὶ πῶσ προσεφέροντο παρθένοισ ὀρφαναῖσ καὶ γυναιξὶν ἐρήμοισ μὲν οὔσαισ τῶν βοηθησόντων, πεπτωκυίαισ δ’ ὑπ’ ἐξουσίαν αὐτοκράτορα τῶν ἐχθίστων.

ὁ δ’ Ἀγαθοκλῆσ δυεῖν ἡμερῶν διελθουσῶν ἐπειδή ποτ’ ἐπληρώθη τοῦ κατὰ τῶν πολιτῶν φόνου, τοὺσ ζωγρηθέντασ ἀθροίσασ Δεινοκράτην μὲν ἀφῆκε διὰ τὴν προγεγενημένην φιλίαν, τῶν ἄλλων δὲ τοὺσ μὲν ἀλλοτριώτατα διακειμένουσ ἀνεῖλε, τοὺσ δὲ λοιποὺσ ἐφυγάδευσε.

일치하는 문장이 없습니다.

SEARCH

MENU NAVIGATION