헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 5)

μετὰ δὲ ταῦτα ἐν ταῖσ Συρακούσσαισ αἱρεθέντοσ Ἀκεστορίδου τοῦ Κορινθίου στρατηγοῦ δόξασ ἐπιθέσθαι τυραννίδι διὰ τὴν σύνεσιν ἐξέφυγε τὸν κίνδυνον. ὁ μὲν γὰρ Ἀκεστορίδησ εὐλαβηθεὶσ τὴν στάσιν καὶ διὰ τοῦτο οὐ βουλόμενοσ αὐτὸν φανερῶσ ἀνελεῖν ἐκέλευεν ἐκ τῆσ πόλεωσ μεταστῆναι καὶ τοὺσ νυκτὸσ κατὰ τὴν ὁδὸν ἀποκτενοῦντασ ἐξαπέστειλεν. Ἀγαθοκλῆσ δὲ καταστοχασάμενοσ πιθανῶσ τὴν ἐπίνοιαν τοῦ στρατηγοῦ τῶν παίδων ἐξελέξατο τὸν ἑαυτῷ μάλιστα ἐοικότα καὶ κατὰ τὸ μέγεθοσ τοῦ σώματοσ καὶ κατὰ τὴν ὄψιν·

τούτῳ δὲ δοὺσ τὴν ἑαυτοῦ πανοπλίαν καὶ τὸν ἵππον, ἔτι δὲ τὴν ἐσθῆτα παρεκρούσατο τοὺσ ἐπὶ τὴν ἀναίρεσιν ἀποσταλέντασ. αὐτὸσ δὲ ῥάκη περιβαλόμενοσ ἀνοδίᾳ τὴν ὁδοιπορίαν ἐποιήσατο.

ἐκεῖνοι δὲ ἀπὸ τῶν ὅπλων καὶ τῶν ἄλλων συσσήμων ὑπολαβόντεσ εἶναι τὸν Ἀγαθοκλέα καὶ τἀκριβὲσ διὰ τὸ σκότοσ οὐ συνιδόντεσ τὸν μὲν φόνον ἐπετέλεσαν, τῆσ δὲ προκεχειρισμένησ πράξεωσ διήμαρτον. μετὰ δὲ ταῦτα τῶν Συρακοσίων καταδεξαμένων τοὺσ μετὰ Σωστράτου φυγάδασ καὶ πρὸσ Καρχηδονίουσ εἰρήνην συνθεμένων Ἀγαθοκλῆσ φυγὰσ ὢν ἰδίαν δύναμιν ἐν τῇ μεσογείῳ συνεστήσατο.

γενόμενοσ δὲ φοβερὸσ οὐ μόνον τοῖσ πολίταισ, ἀλλὰ καὶ τοῖσ Καρχηδονίοισ ἐπείσθη κατελθεῖν εἰσ τὴν πατρίδα καὶ παραχθεὶσ εἰσ τὸ τῆσ Δήμητροσ ἱερὸν ὑπὸ τῶν πολιτῶν ὤμοσε μηδὲν ἐναντιωθήσεσθαι τῇ δημοκρατίᾳ. προσποιηθεὶσ δὲ τῆσ δημοκρατίασ προΐστασθαι καὶ δημαγωγήσασ ποικίλωσ τὰ πλήθη στρατηγὸσ κατεστάθη καὶ φύλαξ τῆσ εἰρήνησ, μέχρι ἂν γνησίωσ ὁμονοήσωσιν οἱ συνεληλυθότεσ εἰσ τὴν πόλιν.

εἰσ πολλὰ γὰρ μέρη συνέβαινε διαιρεῖσθαι τὰσ ἑταιρίασ τῶν συνιόντων καὶ πρὸσ ἀλλήλουσ ἑκάστοισ εἶναι μεγάλασ διαφοράσ, μέγιστον δ’ ἦν ἀντίταγμα τοῖσ περὶ τὸν Ἀγαθοκλέα τὸ τῶν ἑξακοσίων συνέδριον, κατὰ τὴν ὀλιγαρχίαν ὑφηγημένον τῆσ πόλεωσ·

οἱ προέχοντεσ γὰρ τῶν Συρακοσίων ταῖσ δόξαισ καὶ ταῖσ οὐσίαισ ἐν τούτοισ ὑπῆρχον καταλελεγμένοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 5

(디오도로스 시켈로스, Bibliotheca Historica, Books XVIII-XX, book 19, chapter 5)

상위

목록

SEARCH

MENU NAVIGATION