Diodorus Siculus, Bibliotheca Historica, Books XVIII-XX, book 19, chapter 35

(디오도로스 시켈로스, Bibliotheca Historica, Books XVIII-XX, book 19, chapter 35)

κατὰ δὲ τὴν Εὐρώπην Κάσανδροσ μὲν ἐν Πελοποννήσῳ Τεγέαν πολιορκῶν καὶ πυθόμενοσ τήν τε Ὀλυμπιάδοσ κάθοδον εἰσ Μακεδονίαν καὶ τὴν Εὐρυδίκησ καὶ Φιλίππου τοῦ βασιλέωσ ἀναίρεσιν, ἔτι δὲ τὰ περὶ τὸν Ιὄλλα τἀδελφοῦ τάφον συμβεβηκότα πρὸσ μὲν τοὺσ Τεγεάτασ διελύσατο, τὴν δὲ δύναμιν ἀναλαβὼν προῆγεν ἐπὶ Μακεδονίαν, καταλιπὼν τοὺσ συμμάχουσ ἐν πολλῇ ταραχῇ· ἐφήδρευε γὰρ ταῖσ ἐν Πελοποννήσῳ πόλεσιν Ἀλέξανδροσ ὁ Πολυπέρχοντοσ ἔχων στρατόπεδον. Αἰτωλοὶ δὲ χαρίζεσθαι βουλόμενοι τῇ τε Ὀλυμπιάδι καὶ Πολυπέρχοντι τὰ περὶ τὰσ Πύλασ στενὰ κατελάβοντο καὶ τῆσ παρόδου τὸν Κάσανδρον ἀπέκλεισαν.

ὁ δὲ βιάζεσθαι μὲν πρὸσ τόπουσ δυσεμβόλουσ ἀπέγνω, παρασκευασάμενοσ δὲ πλοῖα καὶ σχεδίασ ἔκ τε τῆσ Εὐβοίασ καὶ τῆσ Λοκρίδοσ ἐπεραίωσε τὴν δύναμιν εἰσ τὴν Θετταλίαν. ἀκούων δὲ περὶ τὴν Περραιβίαν προκαθῆσθαι Πολυπέρχοντα μετὰ στρατοπέδου Κάλλαν μὲν ἀπέστειλε στρατηγὸν μετὰ δυνάμεωσ, προστάξασ διαπολεμεῖν τοῖσ μετὰ Πολυπέρχοντοσ.

Δεινίασ δὲ τὰ στενὰ προκαταληψόμενοσ, ἀπαντήσασ τοῖσ ὑπ’ Ὀλυμπιάδοσ ἐξαποσταλεῖσι στρατιώταισ ἔφθασε τῶν παρόδων κυριεύσασ. Ὀλυμπιὰσ δὲ πυθομένη Κάσανδρον μετὰ μεγάλησ δυνάμεωσ πλησίον εἶναι τῆσ Μακεδονίασ, Ἀριστόνουν μὲν ἀπέδειξε στρατηγόν, κελεύσασα δικπολεμεῖν τοῖσ περὶ Κάσανδρον, αὐτὴ δὲ παρῆλθεν εἰσ Πύδναν ἔχουσα τὸν υἱὸν τὸν Ἀλεξάνδρου καὶ τὴν μητέρα αὐτοῦ Ῥωξάνην καὶ Θετταλονίκην τὴν Φιλίππου τοῦ Ἀμύντου θυγατέρα, πρὸσ δὲ τούτοισ Δηιδάμειάν τε τὴν Αἰακίδου θυγατέρα τοῦ βασιλέωσ τῶν Ἠπειρωτῶν, Πύρρου δὲ τοῦ πρὸσ Ῥωμαίουσ ὕστερον πολεμήσαντοσ ἀδελφήν, καὶ τὰσ Ἀττάλου θυγατέρασ, ὁμοίωσ δὲ καὶ τῶν ἄλλων τῶν ἀξιολογωτάτων φίλων τοὺσ συγγενεῖσ, ὥστ’ ἀθροισθῆναι περὶ αὐτὴν πλῆθοσ μὲν πολὺ σωμάτων, ἀχρείων δ’ εἰσ πόλεμον τῶν πλείστων·

οὐδὲ γὰρ τροφῆσ ἱκανὸν ἦν πλῆθοσ τοῖσ μέλλουσι πολιορκίαν ὑπομένειν πολυχρόνιον.

ὧν ἁπάντων πρόδηλον ἐχόντων τὸν κίνδυνον οὐδὲν ἧττον ἐνταῦθα διέγνω μένειν, ἐλπίζουσα αὐτῇ βοηθήσειν κατὰ θάλασσαν Ἑλλήνων τε καὶ Μακεδόνων πολλούσ.

συνῆσαν δ’ αὐτῇ τῶν τ’ ἐξ Ἀμβρακίασ ἱππέων τινὲσ καὶ τῶν περὶ τὴν αὐλὴν εἰωθότων διατρίβειν στρατιωτῶν οἱ πλείουσ, ἔτι δὲ τῶν μετὰ Πολυπέρχοντοσ ἐλεφάντων οἱ καταλειφθέντεσ·

τῶν μὲν γὰρ ἄλλων θηρίων κατὰ τὴν προτέραν ἐμβολὴν εἰσ Μακεδονίαν Κάσανδροσ ἐκεκυριεύκει.

일치하는 문장이 없습니다.

SEARCH

MENU NAVIGATION