Diodorus Siculus, Bibliotheca Historica, Books XVIII-XX, book 19, chapter 12

(디오도로스 시켈로스, Bibliotheca Historica, Books XVIII-XX, book 19, chapter 12)

κατὰ δὲ τὴν Ἀσίαν Εὐμενὴσ μὲν ἔχων τοὺσ ἀργυράσπιδασ Μακεδόνασ καὶ τὸν ἀφηγούμενον αὐτῶν Ἀντιγένην παρεχείμασε μὲν τῆσ Βαβυλωνίασ ἐν ταῖσ ὀνομαζομέναισ Καρῶν κώμαισ, πρὸσ δὲ Σέλευκον καὶ Πίθωνα πρέσβεισ ἀπέστειλεν, ἀξιῶν βοηθεῖν τοῖσ βασιλεῦσι καὶ μετ’ αὐτοῦ συναγωνίσασθαι πρὸσ Ἀντίγονον. τούτων δ’ ὁ μὲν Πίθων τῆσ Μηδίασ, ὁ δ’ ἕτεροσ τῆσ Βαβυλωνίασ σατράπησ ἀπεδέδεικτο, καθ’ ὃν καιρὸν ἡ δευτέρα διαίρεσισ ἐγενήθη τῶν σατραπειῶν ἐν Τριπαραδείσῳ.

οἱ δὲ περὶ Σέλευκον τοῖσ μὲν βασιλεῦσιν ἔφασαν βούλεσθαι παρέχεσθαι χρείασ, Εὐμενεῖ μέντοι γε μηδέποθ’ ὑπομενεῖν ποιοῦντασ τὸ προσταττόμενον, οὗ Μακεδόνεσ συνελθόντεσ κατέγνωσαν θάνατον. πολλὰ δὲ πρὸσ ταύτην τὴν προαίρεσιν διαλεχθέντεσ συνεξέπεμψαν παρ’ αὑτῶν πρεσβευτὴν πρὸσ Ἀντιγένην καὶ τοὺσ ἀργυράσπιδασ, ἀξιοῦντεσ ἀφιστάναι τῆσ ἡγεμονίασ Εὐμενῆ. τῶν δὲ Μακεδόνων οὐ προσεχόντων τοῖσ λόγοισ Εὐμενὴσ ἐπαινέσασ αὐτῶν τὴν προθυμίαν ἀνέζευξε μετὰ τῆσ δυνάμεωσ καὶ παραγενηθεὶσ ἐπὶ τὸν Τίγριν ποταμὸν κατεστρατοπέδευσε, τῆσ Βαβυλῶνοσ ἀπέχων σταδίουσ τριακοσίουσ.

καὶ πρόθεσιν μὲν εἶχεν εἰσ Σοῦσα ποιεῖσθαι τὴν πορείαν, διανοούμενοσ τὰσ ἐκ τῶν ἄνω σατραπειῶν δυνάμεισ μεταπέμπεσθαι καὶ τοῖσ βασιλικοῖσ θησαυροῖσ χρήσασθαι πρὸσ τὰσ κατεπειγούσασ χρείασ. ἠναγκάζετο δὲ τὸν ποταμὸν διαβαίνειν διὰ τὸ τὴν μὲν κατόπιν χώραν προνενομεῦσθαι, τὴν δὲ πέραν ἀκέραιον εἶναι καὶ δαψιλεῖσ δύνασθαι παρέχεσθαι τροφὰσ τῷ στρατοπέδῳ.

συναγαγόντοσ οὖν αὐτοῦ πλοῖα πανταχόθεν πρὸσ τὴν διάβασιν οἱ περὶ Σέλευκον καὶ Πίθωνα κατέπλευσαν δυσὶ μὲν τριήρεσι, κοντωτοῖσ δὲ πλείοσιν·

ἔτι γὰρ τὰ σκάφη ταῦτα περιῆν ἐκ τῶν ὑπ’ Ἀλεξάνδρου ναυπηγηθέντων περὶ Βαβυλῶνα.

일치하는 문장이 없습니다.

SEARCH

MENU NAVIGATION