헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 56)

ὁ δ’ οὖν Σέλευκοσ διασωθεὶσ εἰσ τὴν Αἴγυπτον φιλανθρωπίασ τε πάσησ ἐτύγχανε παρὰ Πτολεμαίῳ καὶ κατηγορίαν ἐποιεῖτο πικρὰν Ἀντιγόνου, λέγων ὅτι διέγνωκεν πάντασ τοὺσ ἐν ἀξιώμασιν ὄντασ καὶ μάλιστα τοὺσ Ἀλεξάνδρῳ συνεστρατευκότασ ἐκβαλεῖν ἐκ τῶν σατραπειῶν καὶ τούτων ἀποδείξεισ ἔφερε τήν τε Πίθωνοσ ἀναίρεσιν καὶ τὴν Πευκέστου τῆσ Περσίδοσ ἀφαίρεσιν καὶ τὰ περὶ αὐτὸν συμβάντα· πάντασ γὰρ οὐδὲν ἠδικηκότασ, ἀλλὰ καὶ χρείασ πολλὰσ καὶ μεγάλασ ἐν τῇ φιλίᾳ παρεσχημένουσ ἀρετῆσ ὑπομεμενηκέναι πρόστιμον.

διεξῄει δὲ καὶ τὰ μεγέθη τῶν περὶ αὐτὸν δυνάμεων καὶ τὸ πλῆθοσ τῶν χρημάτων, ἔτι δὲ τὰσ προσφάτουσ εὐτυχίασ, ἐξ ὧν ὑπεδείκνυεν ὑπερήφανον γεγενημένον καὶ ταῖσ ἐλπίσι περιειληφότα πᾶσαν τὴν Μακεδόνων βασιλείαν. διὰ δὲ τοιούτων λόγων προτρεψάμενοσ τὸν Πτολεμαῖον ἑτοιμάζεσθαι τὰ πρὸσ τὸν πόλεμον ἐξέπεμψέ τινασ τῶν φίλων εἰσ τὴν Εὐρώπην, προστάξασ πειρᾶσθαι τοῖσ ὁμοίοισ λόγοισ ἐχθροὺσ Ἀντιγόνου καταστῆσαι Κάσανδρόν τε καὶ Λυσίμαχον.

ὧν ταχὺ τὸ κελευσθὲν συντελεσάντων ἀρχὴ διαφορᾶσ ἐφύετο καὶ μεγάλων πολέμων.

ὁ δ’ Ἀντίγονοσ ἐκ τῶν εἰκότων συλλογισάμενοσ τὴν Σελεύκου προαίρεσιν ἐξέπεμψε πρεσβευτὰσ πρόσ τε Πτολεμαῖον καὶ Λυσίμαχον καὶ Κάσανδρον, ἀξιῶν διαφυλάσσειν τὴν προϋπάρχουσαν φιλίαν· τῆσ δὲ Βαβυλωνίασ καταστήσασ σατράπην Πίθωνα τὸν ἐκ τῆσ Ἰνδικῆσ καταβεβηκότα μετὰ τῆσ δυνάμεωσ ἀνέζευξεν, ἐπὶ τῆσ Κιλικίασ τὴν πορείαν ποιούμενοσ. ὡσ δ’ εἰσ Μάλον παρεγένετο, διεμέρισε τὴν δύναμιν εἰσ παραχειμασίαν μετὰ δύσιν Ὠρίωνοσ.

παρέλαβε δὲ καὶ τὰ ἐν Κυΐνδοισ χρήματα, τάλαντα μύρια. χωρὶσ δὲ τούτων ἐκπίπτειν ἐκ τῶν προσόδων αὐτῷ τῶν κατ’ ἐνιαυτὸν τάλαντα μύρια χίλια. διόπερ συνέβαινεν αὐτὸν φοβερὸν εἶναι καὶ διὰ τὸ μέγεθοσ τῶν δυνάμεων καὶ διὰ τὸ πλῆθοσ τῶν χρημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 56

(디오도로스 시켈로스, Bibliotheca Historica, Books XVIII-XX, book 19, chapter 56)

상위

목록

SEARCH

MENU NAVIGATION