헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 108)

κατεῖχον δὲ Καρχηδόνιοι μὲν τὸν Ἔκνομον λόφον, ὅν φασι φρούριον γεγενῆσθαι Φαλάριδοσ. ἐν τούτῳ δὲ λέγεται κατεσκευακέναι τὸν τύραννον ταῦρον χαλκοῦν τὸν διαβεβοημένον πρὸσ τὰσ τῶν βεβασανισμένων τιμωρίασ, ὑποκαιομένου τοῦ κατασκευάσματοσ· διὸ καὶ τὸν τόπον Ἔκνομον ἀπὸ τῆσ εἰσ τοὺσ ἀτυχοῦντασ ἀσεβείασ προσηγορεῦσθαι. ἐκ δὲ θατέρου μέρουσ Ἀγαθοκλῆσ ἕτερον τῶν Φαλάριδοσ γεγενημένων φρουρίων κατεῖχε, τὸ προσαγορευθὲν ἀπ’ ἐκείνου Φαλάριον.

καὶ διὰ μέσων μὲν τῶν παρεμβολῶν ἦν ποταμόσ, ὃν ἀμφότεροι πρόβλημα τῶν πολεμίων ἐπεποίηντο, φῆμαι δὲ κατεῖχον ἐπὶ τῶν προτέρων χρόνων ὅτι δεῖ περὶ τὸν τόπον τοῦτον πλῆθοσ ἀνθρώπων ἐν μάχῃ διαφθαρῆναι. οὐκ ὄντοσ δὲ φανεροῦ παρ’ ὁποτέροισ γενήσεται τὸ ἀτύχημα, συνέβαινε δεισιδαιμονεῖν τὰ στρατόπεδα καὶ πρὸσ μάχην ὀκνηρῶσ ἔχειν. διόπερ ἐπὶ πολὺν χρόνον οὐδέτεροι τὸν ποταμὸν ἐτόλμων διαβαίνειν ἀθρόοισ στρατιώταισ, ἑώσ ὅτου παράλογόσ τισ αἰτία προεκαλέσατο αὐτοὺσ εἰσ τὸν ὁλοσχερῆ κίνδυνον.

τῶν γὰρ Λιβύων κατατρεχόντων τὴν πολεμίαν Ἀγαθοκλῆσ παρωξύνθη τὸ παραπλήσιον ποιῆσαι. ἀγόντων δὲ λείαν τῶν Ἑλλήνων καί τινα τῶν ἀπὸ τῆσ παρεμβολῆσ ὑποζυγίων ἀπαγαγόντων ἐπεξῆλθον ἐκ τοῦ Καρχηδονίων χάρακοσ οἱ τούτουσ διώξοντεσ. ὁ δ’ Ἀγαθοκλῆσ προϊδόμενοσ τὸ μέλλον ἔσεσθαι παρὰ τὸν ποταμὸν ἔθηκεν ἐνέδραν ἀνδρῶν ἐπιλέκτων ταῖσ ἀρεταῖσ.

οὗτοι δέ, τῶν Καρχηδονίων τοὺσ τὴν λείαν ἄγοντασ ἐπιδιωκόντων καὶ διαβάντων τὸν ποταμόν, ἐξανέστησαν ἐκ τῆσ ἐνέδρασ ἄφνω καὶ προσπεσόντεσ ἀτάκτοισ ῥᾳδίωσ ἐτρέψαντο. φονευομένων δὲ τῶν βαρβάρων καὶ πρὸσ τὴν ἰδίαν παρεμβολὴν φευγόντων Ἀγαθοκλῆσ, νομίσασ ἥκειν τὸν καιρὸν τοῦ διαγωνίσασθαι, πᾶσαν ἤγαγε τὴν δύναμιν ἐπὶ τὴν τῶν πολεμίων στρατοπεδείαν.

προσπεσὼν δ’ αὐτοῖσ ἀπροσδοκήτωσ καὶ ταχὺ μέροσ τῆσ τάφρου χώσασ ἀνέσπασε τὸν χάρακα καὶ βιαζόμενοσ εἰσ τὴν παρεμβολὴν παρεισέπεσεν. οἱ δὲ Καρχηδόνιοι διά τε τὸ παράδοξον καταπεπληγμένοι καὶ πρὸσ ἔκταξιν οὐ δυνάμενοι λαβεῖν ἀναστροφήν, ὡσ ἔτυχε τοῖσ πολεμίοισ ἀπήντων καὶ ἠγωνίζοντο.

περὶ δὲ τὴν τάφρον ἀμφοτέρων ἐρρωμένωσ κινδυνευόντων ταχὺ πᾶσ ὁ πλησίον τόποσ νεκρῶν κατεστρώθη· οἵ τε γὰρ τῶν Καρχηδονίων ἐπιφανέστατοι τὴν παρεμβολὴν ὁρῶντεσ ἁλισκομένην ἐβοήθουν, οἵ τε περὶ τὸν Ἀγαθοκλέα τῷ προτερήματι τεθαρρηκότεσ καὶ νομίζοντεσ ἑνὶ κινδύνῳ καταλύσειν πάντα τὸν πόλεμον ἐνέκειντο τοῖσ βαρβάροισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 108

(디오도로스 시켈로스, Bibliotheca Historica, Books XVIII-XX, book 19, chapter 108)

상위

목록

SEARCH

MENU NAVIGATION