Diodorus Siculus, Bibliotheca Historica, Books XVIII-XX, book 19, chapter 55

(디오도로스 시켈로스, Bibliotheca Historica, Books XVIII-XX, book 19, chapter 55)

τοῦ δ’ ἔτουσ τούτου διεληλυθότοσ Ἀθήνησι μὲν ἦρχε Πραξίβουλοσ, ἐν Ῥώμῃ δὲ κατέστησαν ὕπατοι Ναύτιοσ Σπόριοσ καὶ Μάρκοσ Πόπλιοσ. ἐπὶ δὲ τούτων Ἀντίγονοσ τῆσ μὲν Σουσιανῆσ ἀπέλιπε σατράπην Ἀσπίσαν, ἕνα τῶν ἐγχωρίων, αὐτὸσ δὲ τὰ χρήματα πάντα διαγνοὺσ κατακομίζειν ἐπὶ θάλασσαν, ἁμάξασ καὶ καμήλουσ παρεσκευάσατο καὶ μετὰ τῆσ δυνάμεωσ ἔχων ταῦτα προῆγεν ἐπὶ τῆσ Βαβυλωνίασ. ἐν ἡμέραισ δ’ εἴκοσι καὶ δυσὶν αὐτοῦ καταντήσαντοσ εἰσ Βαβυλῶνα Σέλευκοσ ὁ τῆσ χώρασ σατράπησ δωρεαῖσ τε βασιλικαῖσ ἐτίμησε τὸν Ἀντίγονον καὶ τὴν δύναμιν ἅπασαν εἱστίασεν.

τοῦ δ’ Ἀντιγόνου λόγουσ ἀπατοῦντοσ τῶν προσόδων οὐκ ἔφησεν ὀφείλειν ὑπὲρ ταύτησ τῆσ χώρασ ὑπέχειν εὐθύνασ, ἣν Μακεδόνεσ αὐτῷ δεδώκασι διὰ τὰσ γεγενημένασ ἐξ αὐτοῦ χρείασ Ἀλεξάνδρου ζῶντοσ.

τῆσ δὲ διαφορᾶσ καθ’ ἡμέραν αὐξομένησ ὁ Σέλευκοσ ἀναλογιζόμενοσ τὰ Πίθωνι συμβάντα περιδεὴσ ἦν μήποτε προφάσεωσ λαβόμενοσ ὁ Ἀντίγονοσ ἀνελεῖν αὐτὸν ἐπιχειρήσῃ·

ἐῴκει γὰρ τοὺσ ἐν ἀξιώμασι τῶν ἀνδρῶν ὄντασ καὶ δυναμένουσ πραγμάτων ἀντιλαμβάνεσθαι πάντασ σπεύδειν ἐκ ποδῶν ἀπαλλάσσειν. ταῦτ’ οὖν εὐλαβηθεὶσ ἐξεπήδησεν μετὰ πεντήκονθ’ ἱππέων, διανοούμενοσ εἰσ Αἴγυπτον ἀποχωρεῖν πρὸσ Πτολεμαῖον·

διεβεβόητο γὰρ ἡ τούτου χρηστότησ καὶ τὸ πρὸσ τοὺσ καταφυγόντασ ἐπ’ αὐτὸν ἐκτενὲσ καὶ φιλάνθρωπον. ὁ δ’ Ἀντίγονοσ ἀκούσασ περιχαρὴσ ἦν ἐπὶ τῷ δοκεῖν αὐτὸσ μὲν μὴ συνηναγκάσθαι προσενεγκεῖν τὰσ χεῖρασ ἀνδρὶ φίλῳ καὶ συνηγωνισμένῳ προθύμωσ, τὸν Σέλευκον δ’ αὐτὸν αὑτοῦ καταγνόντα φυγὴν παραδεδωκέναι τὴν σατραπείαν χωρὶσ ἀγώνων καὶ κινδύνων.

μετὰ δὲ ταῦτα προσελθόντων αὐτῷ τῶν Χαλδαίων καὶ προλεγόντων ὡσ, εἰ τὸν Σέλευκον ἐκ τῶν χειρῶν ἀφήσει, συμβήσεται τήν τ’ Ἀσίαν πᾶσαν ὑποχείριον γενέσθαι καὶ αὐτὸν Ἀντίγονον ἐν τῇ πρὸσ ἐκεῖνον παρατάξει καταστρέψειν τὸν βίον, μεταμεληθεὶσ τοῖσ πεπραγμένοισ ἐξέπεμψε τοὺσ διώξοντασ·

οἳ μέχρι τινὸσ ἐπακολουθήσαντεσ ἐπανῆλθον ἄπρακτοι. ὁ δ’ Ἀντίγονοσ ἐν τοῖσ ἄλλοισ καταφρονεῖν εἰωθὼσ τῶν τοιούτων προρρήσεων οὐ μετρίωσ ἐκινήθη τότε, καταπλαγεὶσ τὸ ἀξίωμα τῶν ἀνδρῶν·

μεγάλη γάρ τισ ἐμπειρία περὶ τούτουσ εἶναι δοκεῖ καὶ παρατήρησισ τῶν ἄστρων ἀκριβεστάτη. ἀποφαίνονται γὰρ πολλὰσ μυριάδασ ἐτῶν ὑπάρχειν ἐξ οὗ παρ’ αὐτοῖσ ἐστιν ἡ περὶ ταῦτα σπουδή· δοκοῦσι δὲ καὶ Ἀλεξάνδρῳ προειπεῖν ὅτι παρελθὼν εἰσ Βαβυλῶνα τελευτήσει. ὁμοίωσ δὲ τῇ περὶ Ἀλεξάνδρου προρρήσει συνέβη καὶ τὴν περὶ Σελεύκου τελεσθῆναι κατὰ τὰσ τῶν ἀνδρῶν τούτων ἀποφάσεισ·

περὶ ἧσ τὰ κατὰ μέροσ ἐροῦμεν, ὅταν ἐπὶ τοὺσ οἰκείουσ χρόνουσ ἐπιβαλώμεθα.

일치하는 문장이 없습니다.

SEARCH

MENU NAVIGATION