Diodorus Siculus, Bibliotheca Historica, Books XVIII-XX, book 19, chapter 44

(디오도로스 시켈로스, Bibliotheca Historica, Books XVIII-XX, book 19, chapter 44)

Ἀντίγονοσ δὲ παραδόξωσ κυριεύσασ τοῦ τ’ Εὐμενοῦσ καὶ πάσησ τῆσ ἀντιτεταγμένησ δυνάμεωσ Ἀντιγένην μὲν τὸν τῶν ἀργυρασπίδων ἡγούμενον συλλαβὼν καὶ καταθέμενοσ εἰσ σειρὸν ζῶντα κατέκαυσεν, Εὔδημον δὲ τὸν ἐξ Ἰνδῶν καταγαγόντα τοὺσ ἐλέφαντασ καὶ Κελβανὸν καί τινασ ἄλλουσ τῶν ἀλλοτρίωσ ἀεὶ πρὸσ αὐτὸν ἐχόντων ἀνεῖλεν. Εὐμενῆ δὲ παραδοὺσ εἰσ φυλακὴν ἐβουλεύετο πῶσ αὐτῷ χρηστέον εἰή.

ἔσπευδε γὰρ ἔχειν μεθ’ αὑτοῦ στρατηγὸν ἀγαθὸν καὶ χάριτοσ ὑπόχρεων, οὐ λίαν δ’ ἐπίστευεν αὐτοῦ ταῖσ ἐπαγγελίαισ διὰ τὴν πρὸσ Ὀλυμπιάδα καὶ τοὺσ βασιλεῖσ φιλίαν· καὶ γὰρ πρότερον σωθεὶσ ὑπ’ αὐτοῦ περὶ Νῶρα τῆσ Φρυγίασ οὐδὲν ἧττον τοῖσ βασιλεῦσι προθυμότατα συνηγωνίσατο. ὁρῶν δὲ καὶ τὴν τῶν Μακεδόνων ὁρμὴν ἀπαραίτητον οὖσαν πρὸσ τὴν κατ’ Εὐμενοῦσ τιμωρίαν ἀνεῖλε τὸν ἄνδρα· διὰ δὲ τὴν προγεγενημένην φιλίαν καύσασ τὸ σῶμα καὶ καταθέμενοσ εἰσ ἀγγεῖον τὰ ὀστᾶ πρὸσ τοὺσ οἰκείουσ ἀπέστειλεν. ἀνήχθη δ’ ἐν τοῖσ τραυματίαισ αἰχμάλωτοσ καὶ ὁ τὰσ ἱστορίασ συνταξάμενοσ Ιἑρώνυμοσ ὁ Καρδιανόσ, ὃσ τὸν μὲν ἔμπροσθεν χρόνον ὑπ’ Εὐμενοῦσ τιμώμενοσ διετέλεσεν, μετὰ δὲ τὸν ἐκείνου θάνατον ὑπ’ Ἀντιγόνου ἐτύγχανε φιλανθρωπίασ καὶ πίστεωσ.

ὁ δ’ Ἀντίγονοσ τὴν δύναμιν ἅπασαν ἀναλαβὼν εἰσ Μηδίαν αὐτὸσ μὲν ἔν τινι κώμῃ παρεχείμασεν οὔσῃ πλησίον Ἐκβατάνων, ἐν ᾗ τῆσ χώρασ ἐκείνησ ἐστὶ τὰ βασίλεια, τοὺσ δὲ στρατιώτασ ἐπιδιεῖλεν εἰσ ἅπασαν τὴν σατραπείαν καὶ μάλιστα εἰσ τὴν ἐπαρχίαν τὴν προσαγορευομένην Ῥάγασ, ἣ ταύτην τὴν προσηγορίαν ἔσχεν ἀπὸ τῶν γενομένων περὶ αὐτὴν ἀτυχημάτων ἐν τοῖσ ἔμπροσθεν χρόνοισ·

πλείστασ γὰρ ἔχουσα πόλεισ τῶν ἐν ἐκείνοισ τοῖσ τόποισ καὶ μάλιστ’ εὐδαιμονούσασ τηλικούτουσ ἔσχε σεισμοὺσ ὥστε καὶ τὰσ πόλεισ καὶ τοὺσ ἐνοικοῦντασ ἅπαντασ ἀφανισθῆναι, καθόλου δὲ τὴν χώραν ἀλλοιωθῆναι καὶ ποταμοὺσ ἀντὶ τῶν προϋπαρχόντων ἄλλουσ φανῆναι καὶ λίμνασ.

일치하는 문장이 없습니다.

SEARCH

MENU NAVIGATION